Älege waqıtta Ğıraqta 150meñ amerikan ğäskäriä tora , suğış başlanuına 5 ay çaması ğına waqıt ütkän bulsa da, soldatlarnıñ qayberläre ber yıldan artıq ğailälären kürmägän.Bu soldatlar almaştırılırğa urınnarına yañaları kiterelergä tieş.Yañaları Amerikanıñ xärbi reservalarınnan kitereläçäk.Amerikada reservalarnıñ in tanılğanı Milli Guardia. Quşma Ştatlarında , här ştatnıñ gubernatorı kontrolendä torğan Milli Gvardia berlege bar. Här berlek federal xökümät tarafınnan cihazlandırıla ,qorallandırıla kiräk bula qalsa federal xökümät yäki ştat alarnı aktivlaştıra, xezmätkä çaqıra. Milli Gvardia berlekläre ğädättä su basuı, başqa tabiğıy afätlär , yanğın kebek bälä qazalarda yardäm itä, sivil tınıçsızlıqlarnı bastıru öçen çaqırıla .Ämma suğış waqıtnda kiräk bula qalsa alar AQŞ armiäseneñ ber öleşe bula.Tınıç waqıtta Milli Gwardianıñ küp kenä äğzaları ''waqıtlı ğäskär'' alarnı atna azağı suğışçıları dip tä yöretälär.Çönki alar qayber atna azaqlarında künegülärdän ütä ä cäyen ike atna çınlap ta qatı künegülärdän ütä.Milli Gvardiäneñ keçkenä ber törkeme daimi äğzalar , alar künegülär belän citäkli , waqıtlı äğzalar bazada bulmağanda berleklärneñ operatsiälären alıp bara.Milli Gvardiä häm reservistlarnıñ suğışqa ciberelü ixtimalı bik az bulsa da , alar suğış waqıtında andıy mömkinçelekkä rizalıq birep imza quyğan.Vietnam suğışınnan soñ xäzer berençe märtäbä andıy ixtimal bar. Boralaq pilotı leytinant Wllliam Hummer süzlärençä (audio) ğäskär ber qayçanda suğış telämi, ämma bulsa ul tieşle eşne eşli.Min pilot bularaq bik küp künegülärdän üttem, mine qayda da bulsa cibärsälär, bu künegülärneñ in yuğarı noqtası bulır ide. Min moñı ömed itsäm dä , ğailämne taşlap kitü uylandıra
Radiobız xabärçese Waşington tiräsendäge Mariland ştatında Milli Gvardianıñ künegü üzägendä leytinant Hummer belän söyläşte.Gvardiäneñ barlıq äzğaları armiä närsä teli bez eşlärgä äzer dip beldergän.Hummer min suğışqa cibärelä alaçağımnı belä idem, ätiyem dä xärbi , ul mine xärbi tormışnıñ çınbarlıqlarına äzerläde digän AQŞ armiäse ber million 400 meñ keşedän tora. Şunıñ 45%ın Milli Gvardiä häm reservistlar täşkil itä.11nçe sintäberdän soñ Milli Gvardiäneñ 300meñ äğzası häm reservist aktiv wazıyfada. Alarnıñ qayberläre Balkanda, qayberläre Könyaq Koreada ämma bik kübese Äfganstan häm Ğıraqta xezmät itä.Äfganstanda Taliban cimerelgännän soñ qorallı bäreleşlär nıq kimede.Ämma Ğıraqta 1nçe maydan soñ da 60 amerikan soldatı doşman utı astında 70 isä törle qazalarda häläk buldı. Xabärçebez söyläşkän serjant İris Cruz-Story xanım oçışlarnı kontrol itä. Anıñ xelel cifäte elek armiädä xezmät itkän. Ul da min Milli Gvardiägä kerü öçen qul quyğan könnän başlap suğışqa cibärelü ixtimalı buluın beläm disä dä miña üzemne mental yaqtan äzerläü öçen bıraz waqıt kiräk di ( audio)
Min şunduq suğışqa äzer buluımnı äytä almim.Miña aldan äytsälär min moña üzemne äzerli alam .
Cruz-Story xanım irem miña bu eştä bulışlıq kürsätäçäk , ul minem bu karieramnı nıq yaqlıy dip söylägän. Pilot Hummer sivil tormışta xisapçı bulıp eşli , ul waqıtlı ğäskär,sivil tormış belän xärbi tormışnı tängälläü turında bolay dip söyli.(audio)
mina ike törle kariära yasau ideası oşıy. Kollegene betergäç , xisapçı bulıp eşli başladım ämma öleşçä ilemä xezmät itü ideası da bik oşıy ide. Min tulısınça sivil professional kariera yasadım, Xäzer isä bu tulı xärbi karierağa äylänä . Bu miña oşarmı äytä almim.
Cruz xanım da sivil tormışta xisapçı, ul fizik künegülärne yaratu häm kollegaların yaqlar öçen Milli Guardiağa quşılğan.Elek sivil politsiä bulıp xezmät itkän Jamal Jackson xäzer täminat serjantı.Anıñ ğailäsendä dä xärbilär bar ikän. Ul kollegedä uqu öçen aqçam yuq ide, Milli Gvardia uqu çığımnarın qaplağan öçen anda quşıldım dip söyli, Jacksion( audio) miña bik oşıy künegülär intensiv , monda duslıqlar nıq, ikençe ğailä kebek , üzenne köndälek tormıştan zurıraq başqa dönyanıñ ber öleşe itep xis itäsen dip söyli . Xabärçebez söyläşkän 3 äğzanıñ här berse suğış turında qayğırtasalar da,cibärelsälär Ğıraqqa barırğa teläülären äytkän
färidä xämit, praga
färidä xämit, praga