Accessibility links

Кайнар хәбәр

Yaqın Könçığışta ike intixar höcüme näticäsendä ike izrail'le hälak buldı häm töbäktäge çağıştırmaça tınlıq bozıldı


İzrail' häm Fälestin premyer ministrları bu terror höcümnären ğäyepläp çıqtı. İzrail' premyer ministrı Ariel Şaron terror höcümnären tulısınça tuqtatmıy torıp tınıçlıq urnaştıru eşendä tärräqiät bulmayaçaq dide. Älege höcümnärdän soñ İzrail' üz törmälärennän fälestin totqınnarın irekkä çığaru planın tormışqa aşırunı tuqtatuın belderde. Fälestin premyer-ministrı Mäxmüt Abbas Reuters xäbär agentlığına bu terror höcümnären ğäyepläwen äytte. Şul uq waqıtta ul Fälestin cirlärendä İzrail'neñ "provokatsion ğämällären" dä ğäyepläwe turında belderde. Fälestin parlamentı äğzası, elek söyläşülärdä Fälestin citäklägän Saeb Ärakat ta bu höcümnärne ğäyepläp çıqtı:

AUDİO: Fälestin citäkçelege tınıç xalıqqa qarşı höcümnärne härwaqıt ğäyepläp kilde häm Fälestin citäkçelege İzrail'neñ Fälestin xakimiätlären cawaplı itep kürsätüen kisken kire qağa.

Bügenge intixar terror höcümnäreneñ berençese İzrail'neñ Roş Ha'ayin şähärendä buldı. Anda kibet qarşında bomba şartlatuçı häm ber izraille ülde, distäläp keşe yaralandı. Bu höcüm öçen cawaplılıqnı Äl-Aqsa Şähitläre Brigadası üz östenä aldı. Şunnan soñ ber säğät tä ütmästän Könbatış Yardağı yähüd bistäse Arielda intixarçı bomba şartlatıp üzen häm tağın ber keşene üterde. Fälestin suğışçan törkeme Hamas üzeneñ internet säxifäsendä Arieldäge höcüm öçen cawaplılıqnı üz östenä aluın belderde.
XS
SM
MD
LG