Accessibility links

Кайнар хәбәр

AQŞ,İminlek Şurasında Ğıraq turındağı rezolutsiäneñ qabul itelüe öçen tırışa


BMOsı İminlek Şurası AQŞ täqdim itkän rezolutsiä proyektın tikşerä başladı. Proyektta Ğıraqta oyıştırılığan idarä şurası şulayuq BMOnıñ yaña missiäsen yaqlau sorala.Diplomatlar rezolutsiä proyektı turında bu atnada kileşelüe mömkin dip äytä. AQŞ bilgeläp quyğan Ğıraq şurasanıñ xalıqara legitimlığın şulayuq Ğıraqta xalıqara oyışmanıñ arta barğan rolen tanu yağınnan rezolutsiägä bik möhim dip qarala.

AQŞ räsmiläre İminlek şurası rezolutsiäne yaqlap çığır şulay itep ber ay çaması elek üzläre bilgelägän Ğıraq İdarä Şurası, räsmi wäkilçelek buuını itep tanılır dip ömed itälär. İminlek Şurasınıñ 5 daimi äğzası AQŞ, Britaniä, Fransiä Russiä häm Qıtay wäkilläre kiçä rezolutsiä proyektın tikşerä başladı.Rezolutsiä proyektında tağı Ğıraqta açılaçaq BMOnıñ yaña missiäse turında süz bara. Nigezdä proyektta bäxäsle ber mäsälä dä yuq. Russiä tışqı eşlär ministırınıñ urınbasarı Yuri Fedotov kiçä İnterfaksqa bez Ğıraq şurasına ildä legitim xökümätkä taba atlanğan berençe adım dip qarıybız dip äytkän ide. General sekretarı K.Annan da oyışmağa äğza barlıq illärne Ğıraq Şurasın yaqlarğa çaqırğan ide. Küp kenä ğäräb illäre Ğıraq Şurasınıñ äğzaların AQŞ saylap quydı dip äytep, şuranı yaqlaunı kire qağa.Ämma BMOsı anı räsmi räweştä yaqlap çıqqannan soñ , başqa illärgä dä täsire bulaçaq dip äytä Colombia Universitetında xalıqara oyışma diretorı Edward Luck. Ul yaña rezolutsiä suğışqa qarşı bulğan illär öçen bik möhim di. Luck süzlärençä(audio) barlıq bäxäslär şulayuq bik az ilneñ xärbi intervensiäne yaqlauı säbäple, alar eçtäge cämäğätçelek öçen BMOnıñ östämä legtimlığına moxtaç.Alar şulayuq bez AQŞ äytkänen genä eşlämibez , bezne AQŞ ğına etärmäde , çınbarlıqta bez moñı sonğı çiktä xalıqara cämäğätçelek faydasına eşlädek dip äytergä teli. Ğıraq idarä şurasınıñ ministır häm diplomatik wäkillärne bilgeläü xoquqı bar.Şura kiçä konstitutsion assambelyanı saylauı öçen xoquq belgeçlärennän torğqn komitet bilgeläde ,ul şulayuq 6 xalıqara hava şirkätenä kiläse ber niçä atna eçendä Basrağa oçu röxsäte birde. İminlek Şurasında tikşerelgän rezolutsiä proyektında Ğıraqta BMOnıñ yaña missiäsen açu turında da süz bara. K.Annan missiädä 300 keşe, şularnıñ yartısınnan kübräge ğıraq1ılar bulırğa tieş dip äytkän ide.Annan BMOnıñ yuridik reformalar, politsiäne künegülärdän ütkärü häm xärbilärne demobilizatsiäläü kebek eşlärdä qatnaşuın küz aldına kiterä . Tikşerelgän proyektta qayber illär taläp itkäneçä BMOnıñ Ğıraqta rolen kiñäytü turında süz barmı Ämma BMOnıñ süzçese Farxan Haq radiobız xabärçesenä bolay dip äytte (audio) Sonğı atnalarda BMonıñ Ğıraqtağı role arta bara,bez anda ber atna çaması elek saylau eşlärendä yardäm itüe öçen ber törkem cibärdek.Neftkä almaşqa azıq tölek programması noyäber ayında eşen tämamlau öçen ezerleklär alıp bara. Anda törle eşlär bara. İminlek Şurasınıñ 1483 nomerlı rezolutsiäse AQŞ citäklägän koalitsiägä Ğıraq belän idarä itü xoquqın tanısa da, Şura äğzaları Fransiä belän Germanie alarnıñ xoquqı çiklängän dip äytep BMO ilne tözekländerü eşlärenä kübräk qatnaşırğa tieş dip belderä.Ğıraqta tınıçlıq saqlau eşlärenä qatnaşu niätendä bulğan illär,BMOnıñ mandatı kiñäytelsä genä anda ğäskär cibärä alaçaqbız digän pozitsiädä tora.. Älegä BMOnıñ Ğıraq öçen mäxsus wäkile Sergio de Mello 1483 nomerle rezolutsiä bik bögülüçän formada yazılğan öçen oyışmağa şaqtıy möhim rol uynau mömkinçegen birä dip qarıy.AQŞta tışqı säyäsät belän mäşğül buluçılar Amerikağa Ğıraqta xalıqara yardäm kiräk dip qarıy.Senatnıñ tışqı mönäsbätlär komitetı citäkçse Richard Lugar yäkşämbedä xökümät Saddamnnan sonğı Ğıraqnı tözekländerüdä kübräk xalıqara yaqlau alu öçen yaña rezolutsiä qabul itterergä tieş dip äytkän ide.

färidä xämit, praga
XS
SM
MD
LG