Accessibility links

Кайнар хәбәр

Rusiä, AQŞ häm Britaniä xezmättäşlege näticäsendä xalıqara qoral satuçılar totıldı


Rusiäneñ FSB iminlek xezmäte AQŞ, Britaniä häm Rusiäneñ qoral satu belän şöğellänüçene qulğa alu öçen oyıştırğan operatsiäsen öç il arasında iminlek xezmättäşleneñ yaña däräcägä kütärelüe bularaq bäyäläde. Kiçä AQŞ xakimiätläre oçqıç bärep töşerü öçen Rusiädä eşlänelgän cir-hawa raketasın terrorçığa satarğa telägän britaniäle qulğa alındı dip belderde. Qoral satuda xezmättäşlek itkän dip şiklänelgän ike keşe qulğa alınğan. İtar-Tass agetnlığı FSB wäkile Sergey İgnaçenkonıñ bu operatsiä AQŞ, Britaniä häm Russiä iminlek xezmätläreneñ xalıqara cinayätçelärgä qarşı uñışlı xezmättäşlege näticäse digän süzlären tapşıra. Britaniäle qoral satuçı New Jersey ştatınıñ Nyuark şähärendä qulğa alınğan. AQŞ xakimiätläre äytüençä, ul Rusiädä eşlängän İgla raketasın üzen terrorçı dip tanıtuçı Federal Tikşerülär İdaräse agentına satarğa telägän.
XS
SM
MD
LG