Ğıraqta AQŞ bilgelägän neft mäsäläläre öçen cawaplı Thamer Gadban süzlärençä Törkiägä neft alıp barğan ütkärgeçtäge yanğınğa sabotaj säbäp bulıp tora. Gadban süzlärençä, räsmilär yanğınğa ütkärgeçtä urnaştırılğan şartlağıç maddä säbäp,neft trasportı ber niçä könnän soñ ğına başlana ala dip uylıy . AQŞ xärbiläre , yanğınçılar Baiji şähre yaqınında ütkärgeçtä başlanğan yanğınnı kontrol astına quydı dip belderde. AQŞ komandirı polkovnik Robert Nicholson süzlärençä, ütkärgeçtä täxnik problemalar bar, yanğınnan elek sabotaj ixtimale dä bar . Ütkärgeç suğıştan soñ berençe märtäbä çärşämbedä qullanışqa kertelde. Ğıraqtan kilgän başqa ber xabärgä qarağanda, Baquba şähre yanında amerikan konvoyına yasalğan höcümdä ber ğäskäri yaralandı.
