Bagdadta BMO başkvartirasınıñ bombalanuına keşelärneñ nindi däräcädä aptırauın, bugen Stockholmda general sekretar Kofi Annan ütkärgän press konferensiädä jurnalistlar quyğan soraular kürsätte.Jurnalistlar ber tuqtausız, qabat, qabat şuluq soraunı quydı. Ni öçen beräü töp eşe xalıqnı humanitar yardäm belän tämin itü bulğan oyışmanı hädäf itep saylıy.Annan BMO Ğıraqta yardäm itü öçen,ämma qayber törkemnär koalitsion köçlärgä qarşı suğışlarında anı strategik hädäf itep ala dip äytte Annan süzlärençä(AUDİO)
Bez Ğıraqta yardäm itü öçen , ämma küräsen qayberäülär yardäm belän qızıqsınmıy.Qayber keşelär wazğıiätne totrıqsızlandıru belän qızıqsına.Qayberäülär BMO häm başqalarınıñ Ğıraqtan çığıp kitüen kürergä teli.Bu keşelär nindi kündermä cibärergä tırışa ,äytüe qıyın
Höcüm Dönya Oyışmasınıñ sonğı atnalarda Ğıraqta arta barğan aktivlıq alıp barırğa tırışqan waqıtqa turı kilde.BMOnıñ Ğıraqta humanitar programmasın köçländerüe şulsanda xalıq moxtac bulğan azıq tölekne tarata başlauına-oyışma Bagdadtta AQŞ citäklägän administratsiä belän mönäsäbätlären yaxşırtuğa taba möhim adım atladı dip qaralğandır.BMOrezolutsiäsendä Ğıraqta AQŞ bilgelägän idarä şurası xuplana. Küzätüçelär . fikrençä, suğıştan soñ BMOnıñ Ğıraqta arta barğan aktivlığın, AQŞqa qarşı bulğan törkemnär oyışma häm anıñ törle agentlıqları xäzer koalitsiä administratsiäse belän berektäşlekkä kerde bäyälägänder.Küräsen alar ällä ni nıq saqlanmağan BMO binaların yomşaq hädäflär isemlegenä kertkänder.Neft, su ütkärgeçläre, elektr çıbıqları,ilçelek kebek urınnarğa yäki kolaitsiä belän xezmätäşlek itkän sivillärgä höcüm oyıştıru ciñel bulsa da ,xalıqara säxnädä täsir zur bula . Londonda urnaşqan xalıqara mäsälälär buyınça patşalıq institutı belgeçe Tim Garden qaraşınça BMOnı hädäf itep alğan törkemneñ mäqsatı Bagdadttağı waqıtlı administratsiäneñ tormışnı normalgä qaytaru , demokratik post Saddam xökümäte buldıru tırışlıqların baltalau bulıp tora .BMOnıñ azıq tölek taratudağı progressı , şulayuq anıñ ütkäreläçäk saylaularda bulışlıq kürsätäçäge turında iğlan itüe belän ul Ğıraqnı yañadan tözekländerügä qarşı torğan törkemnär küzendä doşmanğa äylände.Garden(audio)
Bu törkemnärneñ kübese Ğıraqnıñ okupatsiä köçläre astında eşläwen häm ozın mäddättä demokratiägä küçüen telämi.Ägär dä alar baştağı qıyınlıqlardan soñ BMOokupatsion xakimiätlär aldında döres urınıñ alıp , uñışqa ireşä dip uylasalar ,şul säbäptän oyışma hädäf bula ala Ägär dä alar ilne totrıqsızlandırğan buluların kürsätsälär, bu inde xalıqara oyışmalarnıñ anda eşli almayaçağın kürsätä, bu da motiv bula ala.
BMO binasın kem şartlattı digän sorauğa cäwab birü qulay tügel. Monda Äl Qaida belän bäyläneşe buluda şiklänelgän elek Ğıraqnıñ tönyağında aktivlıq alıp barğan Ansar al islamnı telgä alıp bula. Şulayuq Syriä häm başqa kürşe illärdän ütep kergän AQŞqa qarşı radikal suğışçlarnıuylap bula.Monda Saddamğa turılıqlı köçlär BMO belän eleke xällär öçen xisaplaşırğa teläde dip tä äytep bula .Saddam rejimı öçen BMO töp antagonist ide. Dönya Oyışması 1990-nçe yıldağı Farsı Qultığı suğışınnan soñ ekonomik sanksiälär quydı.Alarnıñ köçtän çığarıluı öçen Bagdadqa küpläp üterü qoralları programmasın tuqtatqan buluın isbatlau zarur ide. Baath partiä BMO Waşington vä London täsirendä ilneñ suverenlegen boza dip qaradı. rejimınıñ açıun çığarğan başqa ber mäsälä ide. menä şularnı xäterläsäk, eleke rejimınıñ qayber elementları öçen BMO koalitsiäneñ berektäşe genä tügel , ä ayrım doşman bulıp tora.Ägär çınlap ta Saddam här daim BMOnıñ qoral inspektorlarınıñ eşen totqarladı.AQŞ ,Britan oçqıçlarnıñ cazlau bombalauınnan soñ, 4 yıl buyı inspektorlar Ğıyraqqa kertelmäde. BMonıñ neftkä almaşqa azıq tölek programması Saddam rejimınıñ açuın çığarğan başqa ber mäsälä ide. Menä şularnı xäterläsäk , äleke rejimnıñ qayber elementları öçen BMO koalitsiäneñ berektäşe genä tügel,ä ayrım doşman bulıp tora.Ägär şulay bulsa BMOsı agentlıqları Ğıraqta üzlären saqlau çaraların yañadan uylarğa tieş bulaçaqlar. Kofi Annan bügen Stockholmdä bez anda eşlärebezgä däwam itäçäkbez, töp kündermä bu , bezne qurqıta almisız Ğıraqlılarnıñ küpçelege ilneñ totrıqlanuın kürergä teli dip söyläde
färidä xämit, praga
färidä xämit, praga