Qabul. Äfğanstannıñ könyaq-könçığışında bulğan soñğı bäreleşlärdä amerikan köçläre 4 suğışçını yuq itkän, alarnıñ üz yuğaltuları 3 yaralı dip xäbär itä Quşma Ştatlarnıñ andağı xärbi citäkçelege. Bäreleşlär başqala Qabuldan 220 çaqrımda yatqan Paktika wilayätendä bulğan. Bilgesez suğışçılar anda amerikan patrulenä ut açqan. Quşma Ştatlarnıñ maxsus ğäskäri köçläre Zabul wilayätendä "Taliban" häm "äl-Qaidä" qaldıqlarına qarşı kiñküläm höcüm alıp bara, äfğan räsmi wäkilläre mäğlümatına qarağanda, ütkän tön eçendä bulğan bäreleşlärdä bar il buylap kimendä 13 "Taliban" suğışçıcı yuq itelgän.
