AQŞ Ğıraq yögen ciñeläytü öçen İminlek Şurasına möräcäğät itä.

Kiñ küläm mäğlümät çaraları belderüenä kürä , prezident Bush sişämbedä däwlät sekretarı C.Powellga Ğıraqta xalıqara yaqlaunı arttıru mäsäläsendä İminlek Şurasında söyläşülär başlauı öçen kürsätmä birgän.Nigezdä bu yañalıq tügel çönki ütkän atnada uq Däwlät sekretarınıñ yardämçese R.Armitage ber ängämädä, BMOsı ximäyäsendä ämma amerika komandasında Ğıraqta xalıqara köçlär urnaştıru konsepsiäse bar dip söylägän ide. Mart ayında Ğıraqqa basıp kerep, Saddamnı bärep töşergän Quşma Ştatları Ğıraq operatsiäsendä aftoritetnı ber kemgä dä tapşırırğa cıyınmawın kürsätte. Amerikan xärbilärenä här kön diärlek yasalğan höcümnär,Ğıraqta iminlekneñ tämin itelä almawı säbäple öydä artqan borçılular Bushnı kübräk xalıqara yaqlau ezlärgä häm BMOda suğışqa qarşı buluçı illär belän upqınnı taraytırğa mäcbür itä torğandır.Ayruça Kongressnıñ budcet ofisı özerlägän xisapta ägär dä pentagon älege planın däwam ittersä ul alğa taba Ğıraqta 67 belän 106meñ arasında ğına xärbi tota alaçaq, şunnan kübräk sanda ğäskär urnaştıru AQŞnıñ dänyanıñ başqa urınnarındağı operatsiälären häväf astında qaldırır ide dip äytelgän.Pentagonnı aqça faktorı ğına çiklämi,armiä okupatsion köçlären rotatsiä sistemasına kürä Ğıraqta 6 belän 12 ay arasında ğına tota ala, alar öygä yal itü, künegülär öçen qaytarılırğa , urınnarına yañaları cibärelergä tieş. Xisapta pentagon Äfganstan, Kosovo,Bosnia häm Koreada operatsiälär alıp baru häm ber yk waqıtta alarnı yal itterep ,yañaların cibäräçäk sanda personalğa iä tügel dip yazılğan. AQŞnıñ Ğıraq vä Kuweitte torğan 180meñ çaması ğäskäriä citärlek tügel dip qarala Ğıraqta tağı yartısı britan qalğannarı törle illärdän 21meñ xärbi tora.AQŞ räsmiläre qaraşınça BMOnıñ yaña rezolutsiäse ike möselman ile Pakstan belän Törkiä şulayuq Hindistannıñ ğäskär cibärüe öçen bik kiräk .Waşington möselman illärennän kiläçäk xärbilär islam belän bäyläneşle izge urınnarda yaxşıraq täsir qaldırır, ğıraqlılar alarğa uñay qarar dip belderä. Bu fikergä bik quşılıp bulmıy çönki bu aralarda ğına Nacaf , Kärbälä kebek urınnarda törek NTVnıñ uramda ütkärgän fiker beleşüdä ğıraqlılar bez monda kilgän möselmanmı xristianmı böten çit il xärbilärenä okupantlar digän mönäsäbät kürsätäçäkbez dip beldergän ide.Añlaşılğançı Waşington BMO bayrağı astında ämma Amerika komandasında torğan xalıqara köçlärneñ Ğıraqqa urnaşuın teli.Suğışqa nıq qarşı çıqqan Russiäneñ AQŞ komandasında xalıqara köçlärgä qarşı bulmawı añlaşıla. Prezident Putin bu xaqta İtaliada Mäskäü BMO ximäyäsendä oyışaçaq andıy köçlärgä qatnaşa ala dip äytkän ide. AQŞ bälkim dä bu atna azağında rezolutsiä proyektın täqdim itäçäk, Russiäneñ aldan uñay işarälär cibärüe Bushqa oşağandır. Putin bu turıda ike citäkçeneñ bilgelängän sumitına ber atna waqıt qalğanda belderde .Uñışlı summit Bush öçen genä tügel ä dikäberdä parlament, martta prezident saylaularına äzerlängän Putin öçen dä faydalı bulaçaq.Mäskäüdä AQŞ-Kanada İnstitutı direktorınıñ urınbasarı Viktor Kremenyuk qaraşınça BMOnıñ Ğıraqta xalıqara köçlär urnaştıruı älbättä Waşingtonnıñ yögen ciñeläyter ide . Kremenyuk bolay dip äytte (audio) Nacaftağı fiker beleşüne kürgännän soñ Ğıraqlılar BMO ğäskärilärenä amerikannarğa qarağanda azıraq qarşılıq kürsäter dip ällä ni ışanıp bulmıy şul .

färidä xämit, praga