Accessibility links

Кайнар хәбәр

Ğiraqta tağın 3 amerikan xärbie xäläk buldı


Uzğan töndä Bagdad tiräsendä bulğan xöcümnär näticäsendä 3 amerikan xärbie xäläk bulğan. Amerikan xärbiläre äytüençä, xöcümneñ berse Äbü-Ğärip törmäsenä yasalğan. Bu törmäne saqlawçı 2 xärbi xäläk bulğan, 13-e yaralanğan. Bagdad yanındağı Ramadi qalasında Amerikannarnıñ xärbi maşinası yulğa quyılğan şartlatqıçqa mengän. Anda tağın ber xärbi xäläk bulğan.

Kiçä xäbär itkänebezçä, Ğiraqnıñ İdarä Şurası äğzası Akila Äl-Xaşimi utırğan maşinağa da xöcüm yasalğan ide. Eçenä yaralanğan Akila xanım äle dä xastaxanädä yata. Anıñ xäle citdi, läkin tormışına qurqınıç yuq, dip xäbär itelä. Ğiraqnıñ İdarä Şurasına kergän 3 xanımnıñ berse - Akila Äl-Xaşimi - kiläse atnada New Yorkka, Berläşkän Millätlärneñ ğömüm mäclesenä barası ide. İdarä Şurası başlığı Äxmät Çalabi bü xöcüm öçen Saddam tarafdarların ğäyepläde. Älegä xöcümnärgä bäyle räweştä berkem dä qulğa alınmadı.
XS
SM
MD
LG