"Ğiraq, tabiğıy baylıqlardan qala, iqtisadnıñ qalğan tarmaqlarına çit il investorların kertäçäk." Şuşı belderüne bügen Ğiraqnıñ waqıtlı Finans ministrı Kamil Äl-Kilani, Dubaida, Xalıqara Valuta Fondı oçraşuında yasadı. Äl-Kilani süzlärençä, yaqın arada iqtisadi üzgäreşlär iğlan iteläçäk. Çit il kompaniäläre Ğiraq şirkätlären satıp ala, alar belän urtaq kompaniälär tözi alaçaq, şulay uq, Ğiraqta üz ofisların aça alaçaq. Monnan tış humanitar tawarlardan qala, bar import tawarlarğa, "tözekländerü salımı" dip atalğan 5 protsentlı salım kerteläçäk. Äl-Kilani bügen Dubaida Amerikanıñ Finans ministrı John Snow belän oçraştı. Snow bu plannarğa xuplaw belderde, ämmä iqtisadnı torğızu öçen, başta Ğiraqta iminlek tä'min itergä kiräk, dip kisätte.
