Accessibility links

Кайнар хәбәр

Kreml namzäte Matvienko Peterburdağı gubernator saylawlarınıñ berençe turında uq ciñep çığa almadı


Rusiäneñ tönyaq başqalası dip yörtelgän Peterburda yäkşämbe könne gubernator saylawları ütte. Kreml''dän zur yardäm alğan namzät Valentina Matvienko berençe turda ciñügä ireşä almadı.

21 sintäbedä Peterburda gubernator saylawları ütte. Ämma namzätlärneñ berse dä berençe turda ciñü öçen zarur bulğan 50 protsent tawış cıya almadı. Citmäsä tawış birüdä saylawçılarnıñ 29 protsentı ğına qatnaştı. şularnıñ da 11 protsentı barlıq namäztlärgä qarşı tawış birde. Matvienko 48.7%, anıñ töp köndäşe Anna Markova 15.8% tawış cıydı.

Matvienko Peterbur gubernatorı bulırğa berenç omtılış qına yasamıy. Kreml'' anı tönyaq başqalanı yawlarğa berençe märtäbä 2000 yılda cibärde. Ämma ul çaqtağı gubernator, Putin tarafınnan önälmägän Vladimir Yakovlef saylawlar aldınnan ütkärelgän fiker beleşülärdä bik nıq alda baru säbäple, Matvienko ciñügä ireşä almayaçağın añlap gubernator yarışınnan baş tarttı. Bu yulı saylawlar aldınnan Kreml'' Matvienkoğa bik nıq yardäm kürsätte. Yakovlev federal'' xökümätkä kitü säbäple saylawlar annan başqa uzdı. Peterbur uramnarına Putin belän Matvienko bergä töşkän zur sürätlär elende. Anda bergäläp barısın da başqara alabız dip yazılğan ide. Citmäsä televidenie aşa böten Rusiägä işetelerlek itep Putin Matvienkonı xuplawı turında belderde. Matvienkonıñ töp köndäşe Markova monı saylaw qanunın bozu dip bäyäläw taläbe belän mäxkamägä möräcäğät itte. Çönki qanunda citäkçe wazıyfa biläwçeneñ tege yäki bu namzät öçen agitatsiäl eşçänlege tıyıla. Ämma mäxkamä monda Matvienko qanun bozmağan dip Markova üteneçen kire qaqtı.

Kreml'' şulay itep Matvienkonıñ ciñüe zur yardäm kürsätkändä dä, Putin açıqtan açıq Matvienkoğa yaqlaw beldergändä dä anıñ berençe turda zarur bulğan 50 protsent cıya almawın küp kenä küzätüçelär uñışsızlıq dip bäyäläde.

Üzäk saylaw komissiäse başlığı Vladimir Veşnyakov bu saylawlarda xalıqnıñ passiv qatnaşuın saylawlarnıñ 7-nçe dikäbrdä däwlät duması saylawları belän bergä ütkärelmäwenä bäyläp añlattı.

Naif Aqmal, Praga.
XS
SM
MD
LG