Bağdattan kilgän xäbärzärgä qarağanda, bögön ğospitaldä Ğiraqtıñ idara şurahı ağzahı Äkilä Äl Xäşimi wafat bulğan. Ul ütkän aznala Bağdat urtahında unıñ maşinahına qarata ut asılğas qatı yaralanğaynı. Amerika häm Britaniänıñ waqıtlısa xakimiäte başlığı Äkilä Äl Xäşimizıñ ülemen zur yuğaltıu tip atanı. Ğiraq başqalahı Bağdatta Amerikanıñ NBC telekompaniähınıñ xäbärselär punktı urınlaşqan qunaqxana yanında şartlaw bulğan. Qunaqxana xezmätkäre häläk bulğan. İke keşe, şul isäptän sit il jurnalisı yaralanğan. Ğiraqtıñ tönyağında Tikrit qalahında Amerika xärbizäre ike keşene qulğa alğan. Ular Saddam Xösäyen yaqlılarğa aqsalata yarzam kürhätkän tip raslana. Amerika xärbi yetäkselege wäkile beldereüensä, qulğa alınıusılarzıñ aralaşsılar bulıuı ixtimal. Bögön Mosulda Amerikanıñ 7 xärbie yaralanğan.
