Bügen elekke Yugoslaviä prezidentı Slobodan Miloşeviçnıñ xakimiättän çitläşterelüenä 3 yıl tuldı. 2000nçe yılda ildä uzğan prezident saylawları näticälärenä qarşı berniçä kön tınıç protest çaraları uzdırğan xalıq 5nçe üktäbr könne Yugoslaviä parlamentı binasın üz kontrolenä aldı. Soñıraq yaña prezident bulaçaq oppozitsiä köçläre başlığı Vojislav Koştinitsa, uram cıyınında qatnaşuçılar qarşına çığıp Miloşeviçnıñ ciñelüen iğlan itte. Berniçä ayda soñ Slobodan Miloşeviç qulğa alınıp Haaga mäxkämäsenä cibärelde.
