6nçı oktäber düşämbe könne Qazan xoreografiä uçilişçesınıñ Uqu teatrın açu tantanası uzdı. Bu binanı xoreografiä uçilişçesına Tatarstan xökümäte büläk itkän. Tantanada TR Premyer ministrı urınbasarı Zilä Wälieva üzeneñ çığışında Tatarstanda dönyağa tanılğan, balet ostazların iskä töşerep uzdı. “ Professional' sänğät'tä, berençe basqıçı bulıp torğan bu säxnäneñ ,monda uquçı balalarnı xalıqara zur säxnägä çığaruına ışanabız”- dide Zilä Walieva.
Xoreografiä uçilişçesı studentları qunaqlarğa konsert programması kürsätte. Programmada tatar sänğätenä dä iğtibar çitlätep ütelmäde. “Qazan şäkertläre”dip atalğan biüne uçilişçe yegetläre bik matur başqardı.
Yaña zal zamança bizälgän häm barlıq teatr qanunnarı buyınça eşlängän. Maxsus Uqu teatrı öçen ike fortepiano da satıp alınğan. Zalnıñ foyesında uçilişçe kollektivı Tatarstannıñ balet ölkäsendä dönyağa tanılğan ostazlarınıñ icat yulın çağıldırğan muzey açqannar.Anda Rossiäneñ, Başqortstannıñ häm Tatarstannıñ xalıq artistkası , xoreografiä professorı Ninel' Yultıyıvanıñ 1949nçı yılnıñ 10nçı ğinwarında “Baqçasaray” spektaklendä töp rol'ne başqarğan afişası, “Şüräle”dä Söyembikä rolen başqarğan külmäge dä saqlana.Bu uçilişçenıñ sänğät citäkçese Ninel' Yultıyıvağa balalar niçä yäştän häm niçä yäşkä qädär uqıylar digän soraw birdek. Ninel' Yultıyıva menä närsälär dide: “Balalar bezgä 10 yäştän kilälär,9nçı sıynıfqaça 5 yıl uqıylar häm tağın 3 yıllıq kurs tämamlıylar. Balet teatrlarında professional' säxnädä eşli başlıylar. Bezdä uqığan balalarğa internat kiräk”.
Şulay itep, Qazanda tağın ber säxnä açıldı. Bu säxnä yäş balet artistları öçen bik zur büläk. Çönki xäzer balet belän xoreografiä bülengän. Häm Qazanda başqa uqu yortlarınıñ xoreografiä büleklärendä törle häwäskär, häm professional' kollektiv citäkçeläre äzerlilär. Qazannıñ bu xoreografiä uçilişçesında uqığan uquçılar , üzläreneñ ostalıqların kamilläşterep, uquların tämamlağannan soñ, törle respublika balet teatrlarında maxsus balet artistları bulıp eşli alaçaq.Azatlıq radiosı öçen Qazannan Mälikä Basıyr.
