Alar ikese dä sänğät keşeläre, ikese dä bügenge köndä märxümnär.Ämma bu şäxeslärneñ ikesen dä xalıq onıtmıy. Rudol'f Nuriev balet artistı, baletmeyster.1938nçe yılda tua, häm 1993nçe yılda wafat bula. 1961nçe yılda Mäskäwdän Fransiägä gastrol'gä kitep, Parijda , Monte- Qarlo säxnälärendä biegännän soñ, dönyaküläm balet artistı bularaq şöhrät aldı.Ul Sovet rejimı belän urtaq tel tabarğa omtılmadı.
“İz SSSR Nuriev daje ne emigriroval - sbejal”,-digän süzlär arqasında, Rudol'f Nuriev ilgä qaytalmıy. Çönki ul waqıtta ul qaytqan bulsa, anı törmägä genä yabıp quyarlar ide. Zamanalar şundıy ide. 1970-83nçe yıllarda törle illär truppalarında solist häm Parij operasında balet truppasınıñ sänğät direktorı bulıp eşli. 120 balet partiäse başqara, 29 fil'mda uynıy.15nçe oktäber könne Rudol'f Nurievnıñ wafat buluına 10 yıl tuluğa anı Mäskäw şähärendä iskä aldılar.Monıñ turında ТVdän dä, radiodan da küp kenä söylädelär.. Şulay uq bu könnärdä wafat bulğannar arasında Färit Yärullinnıñ wafat buluına da näq menä 17nçe oktäber könne 60 yıl tuldı. Tatar matbuğatında anıñ turında xäbärlär kürenmi.
F. Yärullin 30 yäşendä tulmağan kileş , Böyek Watan suğışına kitep, häläk bula. Kompozitor, berençe tatar milli baletı “Şüräle”ne icat itüçe, kamera instrumental'- äsärlär, romanslar, cırlar, xalıq cırların eşkärtülär avtorı- Färit Yarullinğa TASSRnıñ G.Tuqay bülägen 1958nçe yılda , wafatınnan soñ ğına, tapşıralar. Ämma şuşındıy milli canlı şäxeslärne , üzläre isän çaqta qäderläre bulmasa da, ğadi xalıq alarnı onıtmıy.“Keşe kitä- cırı qala” digän äytem küñelgä kilä.
Qazanda Tatar opera häm balet teatrı tarafınnan 1987nçe yılda Nuriev .R isemendäge klassik balet festivale oyıştırıla. 1993nçe yıldan Rudol'f Nuriev isemendä. Yıl sayın Qazanda ütkärelä.Ä “Şüräle” spektakle Mäskäw Qazan Prağa balet säxnälärendä quyıldı. Yazuçı Raşat Nizaminıñ anıñ turında poveste dönya kürde. Färit Yärullinnıñ tuğan yağında muzey açıldı. Ul xalqıbıznıñ klassik kompozitorı. Anıñ muzıkası yäşi, dimäk- F.Yärullin da bezneñ arada.
Azatlıq radiosı öçen Qazannan Mälikä Basıyr.
