Fälestin citäkçese Yassir Arafat belän berrättän Yewropa Berlege häm Russiä dä İzrail'neñ kiçä Gaza Sızığında 10 keşene ütergän höcümnären ğäyepläp çıqtı. Brüssel'dä Yewropa Berlegeneñ tışqı säyäsät öçen xawaplı yuğarı wäkile Javier Solana tınıç xalıq arasında qorbannarğa säbäp bulğan xärbi ğämällärgä tirän qızğanıç qına belderä alam dide. Mäskäwdä Russiä tışqı eşlär ministrlığı İzrail'neñ xärbi ğämällären töbäkkä tınıçlıq kitermäyäçäk çamadan tış qoral qullanu dip bäyäläde. Rusiä häm Solana ikese dä İzrail' belän Fälestinlelärne Yewropa Berlege, Rusiä, BMO häm AQŞ äzerlägän "yul xaritası" dip yörtelüçe tınıçlıq planın tormışqa aşıru yulına qaytırğa çaqırdı. Bügen Arafat "yul xaritasın" äzerläwdä qatnaşqannarğa möräcäğät itep, İzrail'neñ xärbi qotırınuların tuqtatığız dide:
AUDİO: Min xalıqara cämäğätçelekne, BMOnı, AQŞnı, Yewropa Berlegen, Rusiäne, möselman häm ğäräp däwlätlären, dönyadağı barlıq duslarnı kiçekmästän, izge cirne häm bu nıq xalıqnı beterü maqsatındağı şuşı xärbi qotırınularnı tuqtatu eşenä kereşergä çaqıram.
İzrail' uzğan atna axırında Könbatış Yarda 3 İzrail' soldatın ütergän höcümgä, häm Gazadan İzrail'neñ könyağına 8 raketa oçıruğa cawap itep kiçä Gazağa ut açtı.
AUDİO: Min xalıqara cämäğätçelekne, BMOnı, AQŞnı, Yewropa Berlegen, Rusiäne, möselman häm ğäräp däwlätlären, dönyadağı barlıq duslarnı kiçekmästän, izge cirne häm bu nıq xalıqnı beterü maqsatındağı şuşı xärbi qotırınularnı tuqtatu eşenä kereşergä çaqıram.
İzrail' uzğan atna axırında Könbatış Yarda 3 İzrail' soldatın ütergän höcümgä, häm Gazadan İzrail'neñ könyağına 8 raketa oçıruğa cawap itep kiçä Gazağa ut açtı.
