Britaniä tışqı eşlär ministrı Jack Straw Yewropa Berlegeneñ terrotorial saqlanu wazıyfasın üz östenä aluı belän kileşep bulmıy, çönki bu NATO eşe dide.
Kiçä kiç Britan parlamentınıñ tübän palatasında çığış yasap Straw Yewropa Berlege däwlätläre NATOda Berlekneñ qatnaşlığın köçäytergä häm NATO telämägän oçraqta üze çaralar kürergä tieş, ämma başqa wazıyfalarnı NATOğa qaldırırğa tieş dip belderde.
Bügen Brüssel'dä NATOdağı 19 däwlät wäkilläre oçraşunıñ ikençe könendä Yewropa Berlegeneñ yaña saqlanu säyäsäte turında söyläşülärne däwam itä.
Bu cıyın AQŞ çaqıruı belän oyıştırıldı. Ul Fransiä, Germaniä, Belgiä häm Luksemburgnıñ Yewropa Berlegendä üz xärbi idaräse bulğan ayırım saqlanu köçläre buldıru täqdimenä açıqlıq kertelüen teli.
Waşington Yewropa Berlegeneñ ayırım saqlanu köçlären buldıru xäzerge waqıtta töp rol'ne AQŞ totqan NATOğa zıyan kiterer dip borçıla.
