Başqortstan prezidentı Mortaza Räximovnıñ Malayziädän qaytuın qayber mäğlümat çaraları "waqıtınnan alda" dip bäyäläde. Mäğlüm ki, respublika prezident saylawları aldında torğanda , anda qatnaşaçaq iñ bilgele namzät, xäzerge citäkçe Mortaza Räximovnıñ här adımına xäzer iğtibar tağın da arta. Läkin prezident Räimovnıñ häm Tatarstan Däwlät Şurası räise Färid Möxammätşinnıñ Rusiä prezidentı Putinnan alda qaytıp töşülärenä iğtibar itelde.
Başqortstan prezidentı urnına däğwa itüçelär sanı – 20gä citte. Qalğannarı turında nindi xäbärlär bar soñ? Bezgä kilep ireşkän soñğı mäğlümatkä qarağanda Bäläbäy tatar gimnaziäsendä tikşerülär däwam itä, bilgele bulğança anıñ direktorı Nurmöxammät Xösäinov ta prezident urnına däğwa itä. Tağın ber namzät – fermer Xäsän İdiatullin – üzenä höcüm yasalğanın xäbär itte. Anıñ üzen Azatlıq radiosınıñ sişämbe tapşıruında işetä alasız.
Mönir Wafin, Ufa
Mönir Wafin, Ufa
