Accessibility links

Кайнар хәбәр

Yewropa Parlamentı bıyılğı Saxarov bülägen BMOğa tapşıra


Yewropa Parlamentı bıyılğı Saxarov isemendäge keşe xoquqları bülägen avgust ayında Bağdadta hälak bulğan Ğiraqtağı BMO wäkile Sergio Vieira de Mello istälegenä dip Berläşkän Millätlär Oyışmasına tapşırırğa buldı. Yewropa Parlamentı wäkile Alison Suttie bu büläk BMO General' Sekretare Kofi Annannıñ häm xezmätkärlärneñ barısına urtaq büläk bulaçaq dide. Bu büläkkä täqdim itelgän başqa namzätlär arasında Ğiraqtağı BMO qoral tikşerüçeläreneñ elekke citäkçese Hans Blix, BMOnıñ Xalıqara Atom Energiäse İdaräse başlığı Möxämmät äl-Baraday, häm İrannıñ törmägä yabılğan jurnalistı Akbar Ganci da bar ide. Andrey Saxarov isemendäge büläk yıl sayın, keşe xoquqları häm ireklekläre öçen köräşüçe şäxeslärgä yäki törkemnärgä birelä. Parlament bu büläkne ğinwar axırında Annan Brüssel'gä kilgäç anıñ qulına tapşırırğa cıyına.
XS
SM
MD
LG