İran tışqı eşlär ministrlığı wäkile Xämit Riza Asefi bu mäğlümätlär BMO räsmilärenä BMOnıñ terrorçılıqta şiklänelüçelärne iğlan itü turındağı rezolütsiäse nigezendä tapşırıldı dide.
BMOğa tapşırılğan mäğlümätlärdä Äl-Qaidä äğzası buluda şiklänelgän häm qaysı il watandaşı bulsalar şul illärgä tapşırılğan 78 keşeneñ isemnäre atala. Anda şulay uq äl-Qaidä yäki Taliban äğzası buluda şikle, xäzerge waqıtta törmälärdä yabıp totıluçı tağın 147 keşeneñ iseme atala.
Asefi İran qulğa alınğan terror çeltäreneñ yuğarı äğzaları dip şiklänelgän keşelärneñ isemnären atarğa telämi, bu iminlekkä zıyan kiterergä mömkin dide.
