Izrail' saqlanu ministrı Şaul Mofaz Livandağı Hezbolla suğışçıları İzrail'neñ tönyaq çigenä zur höcüm yasarğa cıyına dide

Elegrek İzrail' armiäseneñ yuğarı citäkçelärennän berse, general mayor Benni Ganz, ägär dä Hezbolla çik buyında yaña höcümnär yasasa, aña qarşı bik-bik qatı köç qullanu belän yanağan ide. Mofaz bu uñaydan bolay dip belderde:

AUDİO: Bez Hezbolla suğışçılarınıñ tönyaqta İzrail' xärbilärenä artilleriä yäki tankka qarşı qorallarğa qarağanda köçleräk qorallar belän höcüm itärgä cıyınuın beläbez. Häm Tönyaq Xärbi Citäkçelek andıy mömkinlekkä äzer tora.

Kiçä Hezbolla tönyaqtağı bäxäsle çik buyında İzrail' xärbilärenä qarşı artilleriä utı açtı. İzrail dä hawa höcümnäre häm artilleriä utı belän cawap birde. Bügen Ganz kiçäge höcüm öçen Süriä häm Livan xökümätlären ğäyepläde. Hezbolla İzrail'gä qarşı kiçäge höcüm İzrail'neñ fälestinlelärgä häm Süriägä qarşı xärbi operatsiäläre öçen üç alu buldı dide