İsrael premier-ministrı Ariel Şaron bügen Mäskäwdä Rusiä premier-ministrı Mixail Kasyanov belän söyläşülär alıp bardı. Moña qädär ul prezident Putin häm tışqı eşlär ministrı İgor İvanov belän oçraştı. Şaron Rusiä räsmilären "yul xaritası" dip atalğan solıx planın BMO rezolutsiäse däräcäsenä kütärmäskä öndäde, Rusiäne, Yaqın Könçığışta aktivraq bulırğa çaqırdı. Kasyanov Rusiä "qulınnan kilgän xätle" moña äzer, digän cawap qaytardı. Şaron süzlärençä, İsrael, solıx yünäleşendä citdi adımnar yasarğa äzer, ämmä iminlek mäsäläsendä çigenmiäçäk.
