Accessibility links

Кайнар хәбәр

İran atom programmasın tikşerergä röxsät birä


Xalıqara Atom Agentlığındağı İran wäkile, tizdän Tähran, inspektorlarınıñ tikşerüenä röxsät birgän räsmi xatnı Berläşkän Millätlär Oyışmasına cibäräçäk, dip belderde. Ali Akbar Salehi süzlärençä – xat äzer, tizdän ul Atom Agentlığına tapşırılaçaq. İranda tikşerülär uzdıru täqdime qayber illär, şul sanda Quşma Ştatlar tarafınnan, İranda bayıtılğan uran ezläre tabıluınnan soñ tudı.

Äfğanstanğa säfärne däwam itkän Berläşkän Millätlär Oyıması İminlek Şurası diplomatları bügen ilneñ tönyağındağı Mazar-e-Şarif şähärendä üzbäk kamandirı Abdul Räşid Dostum häm etnik taciq yulbaşçısı Atta Möhammäd belän oçraştı. Alarnıñ ikese dä prezident Hamid Qarzai belän yaxşı mönäsäbättä, läkin ikese dä ilneñ tönyağında xakimiät öçen köräş alıp bara. Uzğan atnada ike etnik törlem arasındağı bäreleşlär näticäsendä kimendä 7 keşe hälak buldı.

Oçraşudan soñ Atta Möhammäd, Berläşkän Millätlär Oyışması wäkilläre belän bulğan söyläşüdä süz, iminlek, äfyünneñ taraluı häm xökümät belän xezmättäşlek turında bardı, dip belderde.

Yaponiäneñ tışqı eşlär ministrlığı, Yaponiä, Äfğanstannı minalardan çistartu eşenä 6 million dollar aqça bülep birä, dip belderde. Bu turıdağı kileşü bügen Qabulda imzalanğan.
XS
SM
MD
LG