Accessibility links

Кайнар хәбәр

Äfğanstanğa säfärne tämamlağan xalıqara diplomatlar, ildäge iñ zur problema – iminlek bulmawı, dip belderde


Berläşkän Millätlär Oyışması İminlek Şurası diplomatlarınıñ Äfğanstanğa 5 könlek säfäre tämamlandı. İldä iñ zur problema – iminlek bulmawı. Germaniäneñ Berläşkän Millätlär Oyışmasındağı wäkile Guenter Pleuger, ildä xakimiät öçen köräşkän etnik törkemnär köç qullanunı tuqtatıp qanunnarnı xörmät itä başlarğa tieş, dip belderde: "Totrıqlı cämğiät, iqtisadi, säyäsi sistemalı totrıqlı däwlät buldırır öçen iñ möhime – qanun xakimiäten buldıru kiräk. Bigräk tä ilneñ tönyağında urnaşqan qoral xakimiäte, qanun xakimiätenä üzgärtelergä tieş, " dide Pleuger.

Köndäş etnik törkemnärneñ yulbaşçıları, Abdul Räşid Dostum häm Atta Möhammät belän oçraşqannan soñ, Berläşkän Millätlär Oyışması diplomatları, xalıqara cämäğätçelek, ike yulbaşçınıñ da Äfğanstannı tözekländerügä zur öleş kertülärenä ömetlänä, dip belderde.
XS
SM
MD
LG