Görciä başqalasında bügen meñlägän keşe qatnaşında miting uza. Opozitsiä köçläre saylaw nitäciälärenä protest belderä, prezident Eduard Şevarnadzenı urınınnan kitergä çaqıra. Opozitsiädäge Milli Xäräkät oyıştırğan çarağa 2 meñläp keşe kilde. Alarğa, şul uq sanda "Burcanadze demokartları" quşıldı. Rusiä häm Könbatış mäglümät çaraları xäbär itüençä, protest belderüçelär sanı arta bara, häm xäzer distä meñgä citkän. Politsiä, başqa töbäklärdän kilüçelärne kertmäs öçen, Tbilisiğa iltkän yullarnı yabıp quyğan, yullarda qırıs tikşerü ütkärä. Politsiä üze bu çaranı ğädäti dokument tikşerü häm qoral ezläw, dip añlata. Soñğı mäglümätlärgä qarağanda üzğan yäkşämbe ütkän parlament saylawlarında alda 22 protsent belän prezident-taraflı "Yaña Ğörciä" partiäse bara. Aslan Abaşidze citäklägän "Yañarış" partiäse 21 protsent belän 2nçe urında. Opozitsiädäge Milli xäräkät 19 protsent belän 3nçe urında.
