Mäskäwdä inde un yıldan artıq çığıp kilä torğan “Татарские новости” ğazetasınıñ soñğı sanınıñ tışlığında futbol qapqasında torıp, zur dan qazanğan milätäşebez Renat Dosayıvnıñ fotoräseme birelgän. Häm ğazetanıñ bişençe bitendäge “Ciñelmäs Dosayıv” dip atalğan mäkälä anıñ tormış yulı, sportqa kilüye häm ğäiläse turında söyli. Bügenge köndä trenerlıq eşe alıp barğan Dosayıvnıñ yazmışındağı bik qızıqlı xällär turında belergä bula. Mäkäläneñ autorı Ramil Şaqirov Dosayıvnıñ iseme yegermençe ğasırnıñ iñ yaxşı futbolçıları isemlegenä kertelgän, di. Un yıl buyı Rusiä futbolçıları arasında bulmasa da, anı onıtmağannar. Çönki çın küñeldän yaratalar di. Mäqälä rus telendä basılğan, häm “От Москвы до Гималаев. Все мячи берет Досаев” digän şigri yullar da rus telendä.
İnde ğäzetänıñ ikençe bitenä küz salıyq. Birede tulısı belän dip äyterlek räsmi xäbärlär. Mäskäwdä millätlär yortı açılu, Tatarstan däwlät şurasınıñ wäkilleklär turındağı yaña qanunın qabul itüye, Tatarstan belän Finländiä arasındağı mönäsäbätlärneñ üseşe turında mäqälälär bar. Anda şulay uq Tatarstannıñ mäğlümät ağentlığı xäbärläre dä urın alğan. Öçençe bittäge ike mäkälä Bötendönya tatar kongressının eşçänlege xaqında. Biredä kongress başqarma qomitetınıñ Latwiädäge küçmä byuro utırışı häm Ul'yänovskiy ölkäsendäge İske Qulatqa awılına kongressnıñ yärdäme turında ike qızıqlı mäkälä bar. Şul uq bittä tatar etnosınıñ üseş plannarı xaqında Ramil Şaqirov mäkäläse belän tanışa alasız. “Başqaladan Abaqanğa yäki borınğı törki töbäklärgä säyäxät dip atalğan Wil Ğänievnıñ zur külämle mäkäläse basılğan. Ul yazma ber törkem ğälimnärneñ Xaqassiägä säyäxäte turında söyli. Ul säyäxät berençe tyurqoloğ, milläte belän xaqqas bulğan Qazan universitetı ğalime Qatanovqa bağışlanğan bulı belän bik tä qızıqlı. Ğäzetänıñ bişençe bitendäge keçkenä ber mäkälä “Ruslan Yamalovnın 37nçe qadrı” dip atala. Häm ul foto töşerüçe millätebez. Ruslan Yamalovnın Mäskäwdä ütän fotoqürgäzmäse xaqında. Bu anıñ soñğı kürgäzmäse di autor, Ruslan bıyıl Çita ölkäsendä yanğın sünderü waqıtında qazağa eläkkän boralaqta hälaq bula häm anıñ cäsäde Başqortosnnıñ Boray rayonında cirlängän. Buluın belederä. Şunda uq Ruslan Yamalovnıñ fotoräseme dä urnaştırılğan.
Ğazetanıñ altınçı bitendä möselmannar häm Ramazan ayı belän qotlawlar urnaşqan. Anda bu ayğa namaz , iftar häm imsaq waqıtları kürsätelgän yazma da bar. Rus telendä yazılğan “Şärektän kilgän cılı cil” dip atalğan Aliä Sabirowa mäkäläse böten ber bitne alıp tora diärlek. Ul mäkälä atalı ullı şärek belgeçläre Qärib häm Noel Usmanovlar xaqında söyli. Şul bitendäge tağı ber mäkälä. Yıraq qonçığışnıñ Amurdağı Qomsomolskiy şähärennän kilgän xäbärne basqan. Bu şähärdä mäçet tözeleşen başlağan Röstäm Abdullin Mäskäwgä kilep kitkän, yıraq qonçığıştağı millättäşlärebezneñ uñışları häm mäşäqätläre xaqında söylägän.
Sigezençe bittä härwaqıttağıça Rusiä töbäklärennän alınğan xäbärlär urnaştırılğan. Biredä Dağıstan, Samara, Yeqaterinburg, Çiläbe, Arxangelsk ölkälärendä yäşäwçe millättäşlärebezneñ tormışı, ictimağıy eşläre xaqında yazılğan.
Tuğızınçı bit tulısı belän diärlek Latwiä tatarlarına bağışlanğan. Anıñ däwamı kiläse sanda da bulaçaq, ul mäkäläne äzerläwdä Bötendönya tatar kongresın başqarma qomitetınan Röstäm Ğaynetdinov yärdäm itkän. Şul uq bittäge tağı ber mäqälä Üzbzkstanda millätäşlärebez oyıştırğan “Nur” dip atalğan milli mädäni oyışma xaqında söyli. Häm bu mäkälä yanına “Nur” oyışması aqtiwistlarınıñ fotoräseme dä basılğan. Ğäzetänıñ unınçı bitenä küz salabız. Andağı “Şäwkät Biktimerov turında süz” dip atalğan rus telendä İltani İlyälowa yazğan mäkälä, isemennän ük kürengänçä, şuşı könnärdä yübileyen bilgelägän Ğäliäskär Kamal isemenläge teatrnıñ talantlı artislarınıñ berse bulğan Şäwkät Biktimerov turında söyli. Mäkälädä şulay uq Şäwkät abıy qatnaşqan säxnä äsärlägän sürätlägän fotoräsemnär dä basılğan.
11 bit tulısı belän professor Äğdäs Borxanovnıñ “Minem şäcrämneñ başlanğıçı” digän mäkläsen alıp tora. Ul , min näselebez Mäwlä Qolıydan başlanğanın barı tik ike yıl elek kenä beldem. Ul mäğlümätlär belän mine professor Marsel Exmätcanov tanıştırdı dip yaza. Häm bu mäkälä ğayıta alıp barğan, “Bezneñ ğäiläneñ şäcäräse” digän qonqursta büläkkä dä layıq bulğan. Ğäzetänıñ 12 häm 13nçe bitläre tatar telendä yazılğan. “Küzläremä qoyaş nurı tulğandır” dip atalğan mäkälä sınçı Qädim Cämitov belän äñgämä räweşendä yazılğan. Qazanda milli mädäni üzäk yanına quyılğan Xörriät häykäle autorı Qädim Cämitov, muzıyka yazuın da xäbär itä. Sabada tuğan yaqtaşlarına bağışlap Qädim yazğan cır, Sabalılarnıñ gimnına äwerelde di autor. Ul mäkälä yanındağı tağı ber yazma “İsemeñ matur kemnär quyğan” dip atala häm bezge tatar isemnäre dönyasına alıp kerä.
“Mondıy filosofiä kemgä kiräk?” dip atalğan mäqälä filosofiä fännäre doktorı Rifqat Abdievnıñ anıñ kitabına qarşı mäkälä bastırğan ikençe ber filosof- Ğobozevqa cawap xatı bularaq yazılğan. Ğazetanıñ 14 bite tulısı belän sportqa bağışlana. Anda dönyaküläm isem qazanğan millättäşlärebez Alisa Gällämowa, Zulfiä Zäbirowa ,Gölnara Sämitowa häm başqalar xaqında qızıqlı mäglümätlär tabarğa bula. Ğazetanıñ 15 biten reklamadan başqa qısqaça ğına Tatarstan häm Çuwaşstannar kilgän xäbärlär bilägän.16 bit tulısı belän reklama. Millättäşlärebez anda 29 noyabrdä ütäçäk Ramazanğa bağışlanğan konsert, Salawatnıñ yaña proğramması, häm başqa küp törle mäğlümätlär taba alalar. “Татарские новости” ğäzetäsı Rusiä matbuğatınıñ qatoloğına kertelgän. Häm anıñ indeksı 10184. Ğäzetä mäskäwlelär öçen genä tügel. Barlıq tatar keşese öçen dä qızıqlı dip äytergä urın bar.
Näzifä Kärimova, Mäskäw
Näzifä Kärimova, Mäskäw
