AQŞ däwlät sekretare urınbasarı Richard Armitage Söğüd xakimiätläreneñ İslam suğışçıların bastıruın xupladı

Şul uq waqıtta ul atna axırında Riadta bulğan şartlawlar terrorğa qarşı suğışnıñ äle bik ozaq däwam itäçägen kürsätä dip belderde. Armitage Söğüd İminlek köçläre may ayındağı şartlawlardan soñ İslam suğışçılarına qarşı küp kenä uñışlı çaralar oyıştırdı dide. Anıñ äytüençä, atna axırında Riadta 17 keşeneñ ğömeren özgän bu şartlawlar Äl-Qaidäneñ Söğüd Ğärabstanında patşa ğailäsen xakimiättän çitläşterergä teläwen kürsätä:

AUDİO: Äl-Qaidäneñ patşa ğailäsen häm Söğüd Ğäräbstanı xökümäten bärep töşerergä teläwe miña açıq añlaşıla.