Accessibility links

Кайнар хәбәр

Putin Vacpai belän oçraştı


Kreml'dä Rusiä prezidentı Vladimir Putin Hindstan premyer ministrı Atal Bihari Vacpainı qabul itte. Alar xalıqara nizağlarnı çişüdä BMOğa töp rol' birüçe kiñküläm berdäm iminlek sisteması turında söyläşte. İke çitäkçe üzläreneñ ezlekle häm çigeneşsez qaraş tarafdarı buluların belderde, häm terrorğa qarşı köräştä ike törle standartlar qullanunı beterergä çaqırdı. Vacpai belän Putin Ğiraqta, Äfğänstanda häm Yaqın Könçığışta totrıqsızlıqnıñ yaman näticäläre turında kisätte. Rusiä häm Hindstan citäkçeläre xärbi, texnik, iqtisadı, säwdä, fän häm ğäläm ölkälärendä xezmättäşlek turında kileşülär imzalawda qatnaştı. Putin bu oçraşu ike ilneñ strategik xezmättäşlegen nığıta dide. Rusiä Hindstannı xärbi texnika, qorallar belän tä'min itüçe töp il bulıp qala häm qoral citeşterüdä xezmättäşlek itä.
XS
SM
MD
LG