Bremer ike köngä suzılğan mäslixätläşülärdän soñ, administratsiä xakimiätne Ğıraqlılarğa mömkin bulğan qädäre qısqa vaqıtta tapşıru mäsäläsendä qararlı dip belderde. Läkin, Aq Yorttağı oçraşular turında nindi dä bulsa täfsille mäğlümät birmäde. Anıñ süzlärençä, vaqıt bik tar häm Washingto belän Ğıraq İdarä Şurası arasındağı söyläşülär intensiv. Bremer Washington, Şuranıñ eşçälege belän qänäğät tügel digän xäbärlär turındağı sorauğa birgän cavabında qıyınlıqlar küp häm andıy näticä yasau öçen äle vaqıt irtä dip belderde.
Audio
"Ğıraq İdarä Şurası näticäsez dip äytü ğadel bulmas ide. Anıñ vazğiäte qıyın. Läkin, Ğıraqlılar xakimiätne üzläşterü mäsäläsendä näticäle eşlilär dip uylıym."
Ul Buş administratsiäse väkilläre belän söyläşülärdä Şuranıñ xakimiät mäsäläsendäge plannarı belän tanıştırğanın häm Washingtonıñ bu xaqtağı qararşların Şurağa citkeräçägen äytte. Bremer nindi dä bulsa täfsille mäğlümät birüdän totlıp torsa da, Könbatış mätbuğatında basılıp çıqqan maqäläläräg kürä, Washington yaña konstitutsiä qabul itelmästän ük, kiläse yılnıñ berençe altı ay eçendä saylaular ütkärüne häm şunnan soñ xakimiätne Bremerneñ Koalitsion Vaqıtlı aftoritetınnan vaqıtlı xökümätkä tapşırunı yaqlıy. Bu inde amerikan ğäskärlären şunduq çığaruğa yul açmasa da, vaqıtlı xökümät il külämendä yaqlanğan xäldä, ğäskärlärne aqırınlap çığara başlauğa mömkinlek birer ide. Älbättä, Buş bu eşneñ kiläse yılnıñ közendä bulaçaq prezident saylaularınan alda buluın teli. Ğıraq İdarä Şurası xakimiätneñ tizlek belän tapşırıluın teläsä dä, prinsipta zur ber ayırma bar. Ul vaqıtlı xökümätneñ saylaular ütkärelmiçä, Şura ağzaların bilgläv yulı belän tüzelüen teli. Vaqıtlı xökümät konstitusiä proyektınıñ äzerlänüen kontrol itärgä häm şunnan soñ saylaular ütkärelergä tieş. AQŞ räsmi şäxesläre Bremer kebek ük plan turında söylärgä telämilär. Buş süzçese Scott McClellan ta söyläşülärneñ eçtälegen añlatunı kire qaqtı.
Audio
"Alğa taba niçek baru mäsäläsendä çitdi diskussiälär bara. Şul sanda Ğıraq İdarä Şurası belän dä. Alarnıñ bik küp ideaları häm küpkenä frontlarda möhim progress bar. Älbättä, qıyınlıqlar da üz köçendä qala, qurqınıçlar da bar. Läkin, iñ möhime bezneñ barlıq frontlarda mömkin bulğan qädäre tizlek belän alğa baruıbız."
Dävlät Sekretarı Collin Powell da soraularğa açıq cavap birüdän totlıp qaldı. Ul da här törle idealar tikşerelä, Ğıraqta iminlekne tämin itü qıyın, läkin, koalitsion küçlär vazğiätne kontrol itärlek xäldä dip belderde. Powell şulay uq amerikan köçläre ildäge vazğiät totrıqlanğançı anda qalaçaqlar dip tä äytte.
Audio
"Mönäsäbät häm xislär üzgärep toraçaq, läkin bezneñ pozitsiäbez açıq-Bez Ğıraq xalqı demokratik xökümät buldıru mömkinlegenä iä bulğançığa qädäre anda qalaçaqbız."
AQŞnıñ Ğıraq säyäsätendä nindi üzgäreşlärneñ bulaçağı äle qätği bilgele tügel. Ul ber yaqtan xakimiätne Ğıraqlılarğa tapşırıp, annan çığıp kitärä teli. Läkin, ikençe yaqtan xakimiätne İdarä Şurasına tapşırırğa telämi. Çönki ul xalıq tarafınnan saylanğan organ tügel. Şulay uq Ğıraqtağı vazğiät totrıqlanmıyça torıp, annan kitü vatandaşlar suğışına da kiterä ala.
Färit İdelle, Praga.
Audio
"Ğıraq İdarä Şurası näticäsez dip äytü ğadel bulmas ide. Anıñ vazğiäte qıyın. Läkin, Ğıraqlılar xakimiätne üzläşterü mäsäläsendä näticäle eşlilär dip uylıym."
Ul Buş administratsiäse väkilläre belän söyläşülärdä Şuranıñ xakimiät mäsäläsendäge plannarı belän tanıştırğanın häm Washingtonıñ bu xaqtağı qararşların Şurağa citkeräçägen äytte. Bremer nindi dä bulsa täfsille mäğlümät birüdän totlıp torsa da, Könbatış mätbuğatında basılıp çıqqan maqäläläräg kürä, Washington yaña konstitutsiä qabul itelmästän ük, kiläse yılnıñ berençe altı ay eçendä saylaular ütkärüne häm şunnan soñ xakimiätne Bremerneñ Koalitsion Vaqıtlı aftoritetınnan vaqıtlı xökümätkä tapşırunı yaqlıy. Bu inde amerikan ğäskärlären şunduq çığaruğa yul açmasa da, vaqıtlı xökümät il külämendä yaqlanğan xäldä, ğäskärlärne aqırınlap çığara başlauğa mömkinlek birer ide. Älbättä, Buş bu eşneñ kiläse yılnıñ közendä bulaçaq prezident saylaularınan alda buluın teli. Ğıraq İdarä Şurası xakimiätneñ tizlek belän tapşırıluın teläsä dä, prinsipta zur ber ayırma bar. Ul vaqıtlı xökümätneñ saylaular ütkärelmiçä, Şura ağzaların bilgläv yulı belän tüzelüen teli. Vaqıtlı xökümät konstitusiä proyektınıñ äzerlänüen kontrol itärgä häm şunnan soñ saylaular ütkärelergä tieş. AQŞ räsmi şäxesläre Bremer kebek ük plan turında söylärgä telämilär. Buş süzçese Scott McClellan ta söyläşülärneñ eçtälegen añlatunı kire qaqtı.
Audio
"Alğa taba niçek baru mäsäläsendä çitdi diskussiälär bara. Şul sanda Ğıraq İdarä Şurası belän dä. Alarnıñ bik küp ideaları häm küpkenä frontlarda möhim progress bar. Älbättä, qıyınlıqlar da üz köçendä qala, qurqınıçlar da bar. Läkin, iñ möhime bezneñ barlıq frontlarda mömkin bulğan qädäre tizlek belän alğa baruıbız."
Dävlät Sekretarı Collin Powell da soraularğa açıq cavap birüdän totlıp qaldı. Ul da här törle idealar tikşerelä, Ğıraqta iminlekne tämin itü qıyın, läkin, koalitsion küçlär vazğiätne kontrol itärlek xäldä dip belderde. Powell şulay uq amerikan köçläre ildäge vazğiät totrıqlanğançı anda qalaçaqlar dip tä äytte.
Audio
"Mönäsäbät häm xislär üzgärep toraçaq, läkin bezneñ pozitsiäbez açıq-Bez Ğıraq xalqı demokratik xökümät buldıru mömkinlegenä iä bulğançığa qädäre anda qalaçaqbız."
AQŞnıñ Ğıraq säyäsätendä nindi üzgäreşlärneñ bulaçağı äle qätği bilgele tügel. Ul ber yaqtan xakimiätne Ğıraqlılarğa tapşırıp, annan çığıp kitärä teli. Läkin, ikençe yaqtan xakimiätne İdarä Şurasına tapşırırğa telämi. Çönki ul xalıq tarafınnan saylanğan organ tügel. Şulay uq Ğıraqtağı vazğiät totrıqlanmıyça torıp, annan kitü vatandaşlar suğışına da kiterä ala.
Färit İdelle, Praga.