Accessibility links

Кайнар хәбәр

Waşington ğiraqlılarnıñ üz öslärenä kübräk cawaplılıq aluın teli


AQŞ prezidentı George Bush Quşma Ştatlar ğiraqlılarnıñ üz illären idarä itüdä üz öslärenä kübräk cawaplılıq aluın teli dip belderde. Bush äytüençä, ul Ğiraqtağı AQŞ waqıtlı idaräse başlığı Paul Bremerğa Ğiraq İdarä Şurası belän oçraşıp Ğiraq xökümäte oyıştırunı tizlätü strategiäsen äzerlärgä quşqan. Bremer Waşintonnan Bağdadqa qaytır aldınnan Bush häm başqa AQŞ räsmiläre belän oçraştı. Britaniä tışqı eşlär ministrı Jack Straw bügen Waşingtonda AQŞ yuğarı räsmiläre belän oçraşıl aldınnan BBCğa, Ğiraqta iminsezlek krizisın kontrol'gä almıy torıp demokratiä urnaştıruda tärräqiätkä ireşü qıyın bulaçaq dide. Bügen İtaliä saqlanu ministrı Antonio Martino Ğiraqnıñ könyağında İtalian xärbilärenä qarşı kiçäge höcüm urınında buldı. Kiçä Nasiriä şähärendä bulğan älege höcüm näticäsendä 19 italian, 9 ğiraqlı hälak buldı. Martino älege höcüm waqıtında yaralanuçılar belän oçraşuda bolay dide:

AUDİO: Bez ul höcüm itüçelärgä qarşı suğışabız, häm bez alarğa üzebezne qurqıtu mömkinlege birmäskä tieş. Alar terror teli ämma alar moña ireşmäskä tieş.

Anıñ äytüençä, İtaliä xärbiläre ğiraqtan çığarılmayaçaq, iminlek çaraları bik nıq arttırılaçaq.
XS
SM
MD
LG