İstanbulda ike terror höcümendä 20dän artıq keşe häläk buldı,yözlärçä keşe yaralandı.

Bügen İstanbulnıñ Yevropa öleşendä yähüdlärneñ ike ğıybadäxanäsenä irtänge säğätlärdä ike bomba höcüme oyıştırıldı, Ülüçülär sanı törek kiñ küläm mätbuğat çaralarına qarağanda 20 , yaralanuçılar sanı 25'' Anadolu xabärlär agenetlığı insidenttan soñ üzen '' könçığışnıñ olı islamçı höcüm frontı'' dip atağan törkemneñ ,agentlıqqa şaltıratıp şartlawlar öçen cawaplılıqnı üz östenä aluın beldergän. Şaltıratqan şäxes, bez möselmannarğa yasalğan basımnı tuqtatırğa telibez, bezneñ aksiälär däwam itäçäk dip beldergän. Eçke eşlär minıstırı Albülkadir Aksu bu şaltıratuğa qarata komentar birüdän totılıp qalıp bilgele barlıq terror törkemnäre tikşerelä dip äytkän. Törkiä politsiäse barlıq radikal törkemnär şulsanda Al Qaida belän bäyläneşlär tikşerelä dip belderde.Kirprda seferde yöregän premier T. Erdoğan (audio) belgenegezçä bik küp keşe yaralandı, maşinağa urnaştırılğan bomba yıraqtan şartlatıldı. Min moñı Törkineñ stabillığın , cämğiätneñ totrıqlılığın qaqşatu öçen yasalğan akt dip küräm.Bu eşkä qatnaşqan här kemne xökem itäm Bu keşeçelekkä qarşı terror aktı. Ber ük waqıtta diärlek bulğan ike şartlawnıñ berençese İstanbulnıñ Beyogluna yaqın Kuledibinde - in zur yähud ğıybadätxanäse Neve Şalom aldında buldı. Älege mağlümätkä qarağanda maşinada urnaştırılğan bomba şartlap ike meter tiränlegendä çoqır açqan , bina, maşinalar zarar kürep, tirä yaqtan ütüçülär ülde yaralandı . 1986nçe yılda filistinnerneñ bu sinagoga oyıştırğan höcümdä 24 keşe häläk bulğan ide.. İkençe şartlaw Şişlı maxalläsendä Beth İsrael ğıybadätxanäsendä buldı. Sinagoga şaqtıy cimerelde , şulayuq tirä yaqtağı bina, maşinalar , ütep baruçı keşelär yaralandı.Televidinie ekrannarı suğışta bombalanğan şähärlärgä oxşaş räsemnär kürsätä. Şişli tiräsendä şaqıtıy ğına millättäşlärebezneñ yäşäwen xäterläp min İstanbulda Ruşan Biçurigä şaltıratttım . Ul bolay dide (audio) İstanbulnıñ başravvinı Yitzak Haleva şartlaw ğıybadäd waqıtında buldı dip äytkän, anın ulı da insidentta yaralandı. İsrael şartlawnı kriminal terror aktı dip atap , şunduq Törkiägä yardäm täqdim itte.Törle illär İstanbuldağı terror aktın xökem itep, Törkiä citäkçelärenä qayğı urtaqlaşqan kündermälär cibärä. Törkiädä 25meñ çaması yähüd yäşi . Alarnıñ zur küpçelege- 20meñe İstanulda urnaşqan. Yähüdlär Törkiäneñ in borınğı azçılığın täşkil itä. Alar 15nçe ğasırda İspanyadan quılğaç Ğosmanlı däwlätenä sıyınğan ide.

Färidä Xämit, Praga