Şimbä kiçendä Mosulda AQŞnıñ 2 Black Hawk boralağı küktä bärelep şähär östenä töşep cimerelü näticäsendä kimendä 17 amerikan soldatı hälak buldı. Bügen xärbilär şul boralaqlarnıñ qaldıqların cıyu belän mäşğül. Şähärneñ toraq yortlar urnaşqan Bab Sincar rayonına töşep cimerelgän boralaqnı küçerü öçen zur kran kiterelgän dip xäbär itelä. Berişe xäbärlärgä qarağanda ikençe boralaq mäktäp binası östenä töşkän. AQŞ xärbi citäkçeläreneñ berse mayor Trey Cate hälak bulğan 17 xärbineñ 101-nçe hawa desantı diviziäsennän buluın rasladı. Xäbärçelärgä ul bolay dip belderde:
AUDİO: Kiçä kiç, cidençe yartılarda, bu tirädä ike boralaq qazası buldı. Kürüegezçä, bu keşelär yäşi torğan urın. Boralaqlar cirgä ber-bersennän 250 metrlap yıraqlıqta töşkän. 17 soldat hälak bulğan. 5-äw yaralanğan.
Cate äytüençä, tikşerü eşläre äle dä däwam itä. Häm boralaqlarnıñ cirdän höcümgä duçar bulu säbäple ber-bersenä bärelgänlege äle tögäl bilgele tügel. Ämma Mosuldağı xäbärçelär äytüençä, küplägän şahitlär başta cirdän atılğan raketanıñ ber boralaqqa tiüen, annan soñ ul boralaqnıñ ikençe boralaqqa bärelüen kürdek dip belderä. Şahitlärneñ berse äytüençä, başta Mosulda amerika xärbiläre qorallı keşelär törkeme belän atışqan. Boralaqlarnıñ berse şul atışta yaralanğan soldatlarğa yardäm itü öçen kilgän bulırğa mömkin di ul. AQŞ üzäk xärbi İdaräse andıy atışlar buluı turındağı xäbärne äle raslamadı. Xärbi İdarä äytüençä, boralaqlarnıñ bersendä tiz xäräkät itüçän törkem xärbiläre bulğan, ikençe boralaq xärbilärne tönyaqqa küçerüçe transport boralağı bulğan.
Mayor Cate soñğı ayda Mosulda amerikan xärbilärenä könenä urtaça 4-tän alıp 7-gä qädär höcüm bulıp tora dide.
Uzğan 3 atna eçendä Ğiraqnı Quşma Ştatlarnıñ 3 boralağı cirdän raketa yäki granataatqıç belän atıp töşerelde.
Kiçä älege qaza aldınnan ğına Waşington Ğiraqta säyäsi xakimiätne ğiraqlılarğa tapşırunı tizlätü planın iğlan itte. Ğiraq İdarä Şurası başlığı Äxmät Çäläbi äytüençä, ildäge AQŞ waqıtlı administratsiäse xakimiätne küçeş çorı xökümätenä kiläsı yılnıñ iyün ayında tapşıraçaq. soñraq, yaña konstitusiä qabul itelgännän soñ 2005-nçe yıl axırına yaña xökümät saylap quyılaçaq. Ğiraqta doşman höcümnäre häm Quşma Ştatlarnıñ yuğaltuları arta barsa da, Amerikan prezidentı George Bush AQŞ Ğiraqtağı wazıyfasın kisäk özep qaçıp kitmiäçäk dide. Britaniä säfäre aldınnan bügen BBCğa ul, Quşma Ştatlar häm anıñ berektäşlären qurıqmayaçaq dide. Bügen Yaponiädä AQŞ salqanu ministrı Donald Rumsfeld Ğiraqta xakimiätne ğiraqlılarğa tapşırunı tizlätü turındağı yaña plan AQŞ xärbiläreneñ annan tiz arada çığarıluın añlatmıy dide.
Naif Aqmal, Praga.
AUDİO: Kiçä kiç, cidençe yartılarda, bu tirädä ike boralaq qazası buldı. Kürüegezçä, bu keşelär yäşi torğan urın. Boralaqlar cirgä ber-bersennän 250 metrlap yıraqlıqta töşkän. 17 soldat hälak bulğan. 5-äw yaralanğan.
Cate äytüençä, tikşerü eşläre äle dä däwam itä. Häm boralaqlarnıñ cirdän höcümgä duçar bulu säbäple ber-bersenä bärelgänlege äle tögäl bilgele tügel. Ämma Mosuldağı xäbärçelär äytüençä, küplägän şahitlär başta cirdän atılğan raketanıñ ber boralaqqa tiüen, annan soñ ul boralaqnıñ ikençe boralaqqa bärelüen kürdek dip belderä. Şahitlärneñ berse äytüençä, başta Mosulda amerika xärbiläre qorallı keşelär törkeme belän atışqan. Boralaqlarnıñ berse şul atışta yaralanğan soldatlarğa yardäm itü öçen kilgän bulırğa mömkin di ul. AQŞ üzäk xärbi İdaräse andıy atışlar buluı turındağı xäbärne äle raslamadı. Xärbi İdarä äytüençä, boralaqlarnıñ bersendä tiz xäräkät itüçän törkem xärbiläre bulğan, ikençe boralaq xärbilärne tönyaqqa küçerüçe transport boralağı bulğan.
Mayor Cate soñğı ayda Mosulda amerikan xärbilärenä könenä urtaça 4-tän alıp 7-gä qädär höcüm bulıp tora dide.
Uzğan 3 atna eçendä Ğiraqnı Quşma Ştatlarnıñ 3 boralağı cirdän raketa yäki granataatqıç belän atıp töşerelde.
Kiçä älege qaza aldınnan ğına Waşington Ğiraqta säyäsi xakimiätne ğiraqlılarğa tapşırunı tizlätü planın iğlan itte. Ğiraq İdarä Şurası başlığı Äxmät Çäläbi äytüençä, ildäge AQŞ waqıtlı administratsiäse xakimiätne küçeş çorı xökümätenä kiläsı yılnıñ iyün ayında tapşıraçaq. soñraq, yaña konstitusiä qabul itelgännän soñ 2005-nçe yıl axırına yaña xökümät saylap quyılaçaq. Ğiraqta doşman höcümnäre häm Quşma Ştatlarnıñ yuğaltuları arta barsa da, Amerikan prezidentı George Bush AQŞ Ğiraqtağı wazıyfasın kisäk özep qaçıp kitmiäçäk dide. Britaniä säfäre aldınnan bügen BBCğa ul, Quşma Ştatlar häm anıñ berektäşlären qurıqmayaçaq dide. Bügen Yaponiädä AQŞ salqanu ministrı Donald Rumsfeld Ğiraqta xakimiätne ğiraqlılarğa tapşırunı tizlätü turındağı yaña plan AQŞ xärbiläreneñ annan tiz arada çığarıluın añlatmıy dide.
Naif Aqmal, Praga.