Soñğı şartlawlarğa cawap yözennän Ğiraqtağı amerikan köçläre, Saddam tarafdarlarınıñ nığıtması sanalğan Tikrit şähäre tirälärendä häm başqala Bagdadnıñ üzendä astırtın doşmannarına qarşı yaña höcümnär başlap cibärde. Bu yulı alar üz eçenä xätta iärçennän töbälgän raketalar qullanunı da ala. Quşma Ştatlar citäkçelege monı üzeneñ Ğiraqtağı xärbi taktikasın beraz üzgärtü dip bäyäli. Waşingtonda xäbärçelär belän aralaşıp alğanda prezident Bush bolay dip belderde.
Audio, George Bush
"Xärbilär xäzer tögällek kertä. İnde uqığansızdır, alar üz strategiäsen häm plannarın tögälräk itä. Häm bu näq menä qorallı köçlärneñ başlığı, yäğni prezident alardan kötkän ğämäl - doşmanğa qarşı taktikanı urındağı wäzğiatkä qarap üzgärtü bulıp tora" di amerikan prezidentı George Bush. Anıñ şuşı süzläre häm Ğiraqtağı qarşılıqnıñ soñğı könnärdä kinät kenä köçäyep kitüwe, yaña tösmer aluwı, amerikan xärbilärenä qarşı köräşkän köçlärneñ yä yaxşıraq oyışa başlawın, yä alarda yaña törle qorallar barlıqqa kilüwen kürsätä. Ğiraqtağı çit il ğäskärlärenä kön dä yasala torğan höcümnär sanı aprildän birle ällä ni üzgärmäsä dä, alarda hälak buluçılar sanı turında monı hiç kenä dä äytep bulmıy. Ülüçelär torğan sayın arta bara. Uzğan atna azağında ğına ilneñ tönyağındağı Mosul şähärendä Quşma Ştatlarnıñ ike "Black Hawk" boralağı bärelep, şul hälakättä 17 amerikan xärbie hälak buldı. Amerikan xärbi citäkçelege moña üz taktikasın üzgärtü belän cawap qaytara - düşämbegä qarşı töndä Ğiraq suğışı tämamlanğannan soñ berençe märtäbä amerikannar iärçennän töbälgän raketa qullandı. Ber xärbi wäkil süzlärenä qarağanda, ul Ğiraqtağı fetnäçelärneñ Kirkuk şähäre tirälärendäge nığıtmasın yuq itü öçen qullanılğan. Tikritta isä Quşma Ştatlarnıñ köçläre qarşılıq suğışçıları tarafların tup utına totqan. Andağı amerikan xärbi wäkile Steve Russel:
Audio, Steve Russel
"Bez bügen irtäräk bezgä qarşı raketa cibärelgän urınnı utqa totabız" di Quşma Ştatlar xärbi wäkile. Şundıy cawap çaraları ilneñ başqa töbäklärendä dä kürelä.
Audio, atışlar
Xäbärlärgä qarağanda, düşämbegä qarşı töndä Bagdadnıñ Azämiä bistäsendä ütkärelgän tikşerü barışında 21 şikle adäm qulğa alınğan. Barlığı 2 meñläp amerikan ğäskärie qatnaşqan häm tanklar wä boralaqlar qullanılğan şuşı reyd näticäsendä 30-lap Kalaşnikov avtomatı da qulğa töşerelgän. Xärbilärneñ Ğiraqtağı taktikasın üzgärtüwe Aq yortnıñ ildäge xakimiatne dä ğiraqlılarğa tizräk tapşırunı äzerläw çorına turı kilde. Xäzer inde süz, monıñ kiläse yılnıñ cäyenä, 1-nçe yülgä qädär bulu ixtimalı turında bara. Bu xaqta Waşingtonda aşığıç kiñäşläşülärdä bulıp qaytqan, Ğiraqnıñ waqıtlı idaräse başlığı amerikan diplomatı Paul Bremer xäbär itte.
Kärim Kamal, Praga
Audio, George Bush
"Xärbilär xäzer tögällek kertä. İnde uqığansızdır, alar üz strategiäsen häm plannarın tögälräk itä. Häm bu näq menä qorallı köçlärneñ başlığı, yäğni prezident alardan kötkän ğämäl - doşmanğa qarşı taktikanı urındağı wäzğiatkä qarap üzgärtü bulıp tora" di amerikan prezidentı George Bush. Anıñ şuşı süzläre häm Ğiraqtağı qarşılıqnıñ soñğı könnärdä kinät kenä köçäyep kitüwe, yaña tösmer aluwı, amerikan xärbilärenä qarşı köräşkän köçlärneñ yä yaxşıraq oyışa başlawın, yä alarda yaña törle qorallar barlıqqa kilüwen kürsätä. Ğiraqtağı çit il ğäskärlärenä kön dä yasala torğan höcümnär sanı aprildän birle ällä ni üzgärmäsä dä, alarda hälak buluçılar sanı turında monı hiç kenä dä äytep bulmıy. Ülüçelär torğan sayın arta bara. Uzğan atna azağında ğına ilneñ tönyağındağı Mosul şähärendä Quşma Ştatlarnıñ ike "Black Hawk" boralağı bärelep, şul hälakättä 17 amerikan xärbie hälak buldı. Amerikan xärbi citäkçelege moña üz taktikasın üzgärtü belän cawap qaytara - düşämbegä qarşı töndä Ğiraq suğışı tämamlanğannan soñ berençe märtäbä amerikannar iärçennän töbälgän raketa qullandı. Ber xärbi wäkil süzlärenä qarağanda, ul Ğiraqtağı fetnäçelärneñ Kirkuk şähäre tirälärendäge nığıtmasın yuq itü öçen qullanılğan. Tikritta isä Quşma Ştatlarnıñ köçläre qarşılıq suğışçıları tarafların tup utına totqan. Andağı amerikan xärbi wäkile Steve Russel:
Audio, Steve Russel
"Bez bügen irtäräk bezgä qarşı raketa cibärelgän urınnı utqa totabız" di Quşma Ştatlar xärbi wäkile. Şundıy cawap çaraları ilneñ başqa töbäklärendä dä kürelä.
Audio, atışlar
Xäbärlärgä qarağanda, düşämbegä qarşı töndä Bagdadnıñ Azämiä bistäsendä ütkärelgän tikşerü barışında 21 şikle adäm qulğa alınğan. Barlığı 2 meñläp amerikan ğäskärie qatnaşqan häm tanklar wä boralaqlar qullanılğan şuşı reyd näticäsendä 30-lap Kalaşnikov avtomatı da qulğa töşerelgän. Xärbilärneñ Ğiraqtağı taktikasın üzgärtüwe Aq yortnıñ ildäge xakimiatne dä ğiraqlılarğa tizräk tapşırunı äzerläw çorına turı kilde. Xäzer inde süz, monıñ kiläse yılnıñ cäyenä, 1-nçe yülgä qädär bulu ixtimalı turında bara. Bu xaqta Waşingtonda aşığıç kiñäşläşülärdä bulıp qaytqan, Ğiraqnıñ waqıtlı idaräse başlığı amerikan diplomatı Paul Bremer xäbär itte.
Kärim Kamal, Praga