Accessibility links

Кайнар хәбәр

İtaliä Ğiraqnıñ könyağında hälak bulğan 19 xärbien cirläde


İtaliä könyaq Ğiraqta intixar höcümendä hälak bulğan 19 italyan xärbien cirläde. Annan alda Rimdağı İzge Paul Bazilikası qarşına quyılğan 19 tabut yanına bügen distälägän meñ keşe cıyılğan ide, mätäm çarasında şulay uq prezident Carlo Azeglio Çiampi da qatnaştı. Uzğan atnanıñ çärşämbesendä Ğiraqnıñ Nassiriya şähärendä İtalyan xärbiläreneñ hälak bulu qayğısı ilneñ böten xalqın berläşterde. Premyer-ministr Silvio Berlusconi, İtalyan ğaskärläre Ğiraqta äle qalaçaq, dip belderde. Xalıqnıñ küpçelege Ğiraqqa ğaskär cibärügä qarşı çıqqan ide.

Ğiraqtağı koalitsiä idaräsendäge İtalyan räsmie, koalitsiäneñ maxsus kiñäşçese, wazifasınnan kitüe turında iğlan itte, Marco Kalamani, Quşma Ştatları citäkçelegendäge xärbi köçlärdän başqa äyber kötüen, eşlär barışı belän qanäğät tügel ikänen belderde häm Berläşkän Millätlär Oyışması citäkçelegendäge yaña xalıqara idarä tözergä täqdim itte.
XS
SM
MD
LG