Ğiraqta Amerika Quşma Ştatları citäkçelegendäge xärbi köçlär uzğan töndä başqala Bağdadtağı berniçä urınnı utqa tottı. Tikrit şähärendä ğısyançılar cıyılğan dip şiklänelgän urınnarğa 3 tön rättän hawa höcümnäre yasaldı.
Ğiraq Mäğärif ministrlığı xäbär itüençä kiçä Diwaniya provinsiäsendä ministrlıqnıñ wäkile Hmud Kadhim üterelgän. Diwaniya ölkäse Bağdadtan könyaqqa taba160 çaqrım yıraqlıqta.
Mäğärif ministrlığı wäkilen kemnärneñ üterüe bilgesez.
Ğiraqta Quşma Ştatlar tarıfınnan bilgelänep quyılğan Ğiraq İdarä Şurası prezidentı kördlär yulbaşçısı Jalal Talabani Törkiä premyer-ministrı Recep Tayyip Erdoğan, tışqı säyäsät häm säwdä mäs'äläläre öçen cawaplı räsmi wäkillär belän oçraşır öçen Änkarağa kilde.
Rusiä tışqı eşlär ministrı urınbasarı Yuri Fedotov, Quşma Ştatlarnıñ Ğiraqta xakimiätne ğiraqlılarğa tapşırunı kiläse yılnıñ iün ayına qadär qaldıru planına täñqit belderde, Bu qarar xalıqara cämäğätçelek häm Berläşkän Millätlär Oyışması tarafınnan xuplanmağan, dide Fedotov.
Berläşkän Millätlär Oyışmasınıñ azıq-tölek programması başlığı James Morris bügen Brüsseldä Ğiraq suğışına kitkän aqça dönyadağı barlıq aç balalarnı aşatırğa citer ide, dip belderde. Morris Yevropa Komissiäsenä awır xäldä bulğan 21 ildä 45 million keşegä yardäm iter öçen 3 milliard dollar aqça sorap möräcäğät äzerli.
Ğiraq Mäğärif ministrlığı xäbär itüençä kiçä Diwaniya provinsiäsendä ministrlıqnıñ wäkile Hmud Kadhim üterelgän. Diwaniya ölkäse Bağdadtan könyaqqa taba160 çaqrım yıraqlıqta.
Mäğärif ministrlığı wäkilen kemnärneñ üterüe bilgesez.
Ğiraqta Quşma Ştatlar tarıfınnan bilgelänep quyılğan Ğiraq İdarä Şurası prezidentı kördlär yulbaşçısı Jalal Talabani Törkiä premyer-ministrı Recep Tayyip Erdoğan, tışqı säyäsät häm säwdä mäs'äläläre öçen cawaplı räsmi wäkillär belän oçraşır öçen Änkarağa kilde.
Rusiä tışqı eşlär ministrı urınbasarı Yuri Fedotov, Quşma Ştatlarnıñ Ğiraqta xakimiätne ğiraqlılarğa tapşırunı kiläse yılnıñ iün ayına qadär qaldıru planına täñqit belderde, Bu qarar xalıqara cämäğätçelek häm Berläşkän Millätlär Oyışması tarafınnan xuplanmağan, dide Fedotov.
Berläşkän Millätlär Oyışmasınıñ azıq-tölek programması başlığı James Morris bügen Brüsseldä Ğiraq suğışına kitkän aqça dönyadağı barlıq aç balalarnı aşatırğa citer ide, dip belderde. Morris Yevropa Komissiäsenä awır xäldä bulğan 21 ildä 45 million keşegä yardäm iter öçen 3 milliard dollar aqça sorap möräcäğät äzerli.
