Bügen Avstriä başqalasında Xalıqara Atom Energiäse Agentlığı İrannıñ atom programmasın tikşerer öçen cıyıldı. Utırış aldınnan, agentlıq başlığı Möhammäd El Baradei İran belän soñğı aralarda bulğan xezmättäşlek "bik tä ömetle, dip belderde: "Bez döres yulda, dip uylıym. Xällär torışı bik ömetle, İrannıñ programması turında, anıñ eçtälege häm niçek tärräqi itüe turında bez xäzer kübräk beläbez, İran, inde xäzerdän ük protokol imzalanğan kebek ük xäräkät itä, bu protokol bezgä İrandağı mäğlümatne tikşerergä östämä wäkälätlär birer ide" dide El Baradei. Biredä süz Atom Qoralın Cäyeldermäw Kileşüenä östämä protokol qabul itü turında bara.
Ämmä, Baradei süzlärençä yaxşı xäbärlär belän ber rättän naçarı da bar. İrannıñ xezmättäşlege – uñay küreneş bulsa, İslam Respublikası qoral cäyeldermäw kileşüendä qaralğan qayber maddälärne ütämägän.
Bügen Xalıqara Atom Agentlığında İrannıñ atom programması mäs'äläsendä yaña rezolüsiä ölgese äzerlänä. Quşma Ştatlar isä, rezolüsiä genä citmi, İrannı – Qoral Cäyeldermäw Kileşüen ütämäwdä ğayepläp sanksiälär kertergä kiräk, digän fikerdä qala.
Bügen Xalıqara Atom Agentlığında İrannıñ atom programması mäs'äläsendä yaña rezolüsiä ölgese äzerlänä. Quşma Ştatlar isä, rezolüsiä genä citmi, İrannı – Qoral Cäyeldermäw Kileşüen ütämäwdä ğayepläp sanksiälär kertergä kiräk, digän fikerdä qala.
