London. Törkiä premyer-ministrı Räcäp Erdoğan, İstanbulda 50-läp keşeneñ ülüwenä kitergän şartlawlar artında dini säbäplär yatuwın kürsätkän dälillär bar dip belderde. Britaniäneñ BBC telekanalına birgän äñgämäsendä ul, şul höcümnärgä "äl-Qaidä" törkemeneñ qatnaşı buluwı äle haman da açıq bilgele tügel dip äytte. Anıñ süzlärençä, niçek kenä bulmasın, İstanbuldağı şartlawlar Törkiäneñ Yevropa Berlegenä quşılu telägenä tä'sir yasamayaçaq. Atnakiç bulğan höcümnärdä ülüçelär sanı bügen tağın bergä arttı - şartlaw näticäsendä alğan yaralardan xastaxanädä, İstanbuldağı britan konsullığında eşlägän 58 yäşlek ber Avstraliä watandaşı wafat buldı.
