Accessibility links

Кайнар хәбәр

Başqortstan prezidentın saylağanda tatarlar üzlären qayğırtamı?


Däwlät Dumasına deputatlar saylaw belän berrättän Başqortstan prezidentın saylaw da qazanlılarnı qızıqsındıra, çönki kürşe respublikada tatar xalqınıñ 25 protsentı yäşi. Häm andağı tatarlarnıñ problemaları Başqortstanda tuıp, Tatarstanda yäşäwçe millättäşlärneñ üzañına, ruxi xälätenä tä'sir itä. Ğalim Damir İsxaqov etnologik tikşerülär üzäge citäkçese bularaq, tatar zıyalıları arasındağı xällärne öyränä. Ul Sergey Veremeyenkonıñ Başqortstanda tatar telenä däwlät tele statusı birü turındağı belderüen yuğarı bäyäli. D.İsxaqov fikerençä, Başqortstan prezidentlığına nämzätlärne bäyälägändä alarnıñ millätlär tigezlegenä, tatar xalqı mänfäğätlärenä qaraşı berençe urında torırğa tieş.

Bilgele buluınça, Başqortstan prezidentlığına nämzät Ralif Safin da tatar xalqına möräcäğät yasağan. Xäzergä bu çığışnıñ eçtälege Başqortstan tatarlarına barıp citmägän. Sergey Veremeyenkonıñ “İzvestiä” gazetasına birgän interv'yusı da haman kiñ cämäğätçelekkä citkerelmägän. Xaqiqätne söyläw, xalıqnı, milli ğädellekne yaqlaw qayçan ciñel bulğanı bar?

Rimzil Wäli.
XS
SM
MD
LG