London. Britan politsiäse "äl-Qaidä" çeltärenä bäyle buluda şiklänelgän keşedän soraw aluwın däwam itä. 24 yäşlek şul britan watandaşı, çığışı belän ul Aziädän dip xäbär itelä, anti-terror qanunı nigezendä kiçä qulğa alınğan ide, anıñ könbatış Angliädäge yortında şartlatqıç matdälär tabıldı dip belderelä. Britaniäneñ eçke eşlär ministrı David Blankett, älege keşe il öçen zur qurqınıç tudırğan ide häm anıñ "äl-Qaidä" belän dä bäyläneşläre bulırğa oşap tora dip belderde. Kiçä politsiä Manchester şähärendä dä terrorçılıqqa bäyle buluda şiklänelgän ikençe ber keşene qulğa aldı.
