Accessibility links

Кайнар хәбәр

AİDStan här kön 8000 keşe ülä


Bügen Dönyada Spid köne bilgelänä, böten illärdä aktivistlar bıyıl ğına 3 million keşeneñ ülemenä säbäp bulğan şuşı çirgä iğtibar cälep iter öçen çaralar ütkärä. Dönya Sälämätlek Oyışması, bügenge köndä Asia-tın okean illärendä Spidtan här minut ber keşe ülä, dip belderde. Bıyıl ul töbäktä yartı millionnan atrıq keşe ülgän. Oyışmanıñ general direktorı urınbasarı Jack Chow, Nairobi'da jurnalistlar aldında çığış yasap, AİDS, yağni SPİD – xalıqara totrıqlılıqnı qaqşata ala, dide. "Spid xalıqara totrıqlılıq häm imenlekkä yanağan ber uq waqıtta yoğışlı häm xronik qurqınıçqa äylände. Bıyıl ğına AİDStan 3 million keşe ülde. Ülüçelär sanı – könenä 8 meñ keşegä citte häm bu san könnän kön üsä bara, " dip belderde Dönya Sälämätlek Saqlaw Oyışması wäkile.

Oyışma mäğlümatlärenä qarağanda dönyada AİDS virusın yoqtırğan 40 millionğa yaqın keşe yäşi. Spid iñ tiz taralğan illär arasında Rusiä, Ukraina, Estonia häm Latvia.
XS
SM
MD
LG