Şveitsariädä urnaşqan Martin Ennals isemendäge waqıf üzeneñ keşe xoquqları ölkäsendä bülägen, "Memorial" oıyşmasınıñ Groznıy bülege citäkçese Lidia Yosopovağa birergä qarar itte. Juri räise Hans Thoolen süzlärençä, juri äğzaları bu qararnı bertawıştan qabul itkän. Waqıfnıñ matbuğat öçen yasağan belderüendä, Lidia Yosopova "Yevropanıñ iñ batır xatın-qızlarınıñ berse" dip atala. Büläkne tapşıru tantanası kiläse yılnıñ Aprilendä Jenevada ütäçäk.
