Rusiäneñ tatarlar häm başqortlar yäşi torğan töbäkläre 9 meñ çaqrımğa suzılğan. Şuña kürä köndezge säğät 12 dä “Azatlıq” radiosınıñ Qazan byurosı tawış birüneñ niçek başlanuın öyrängändä, Xabarovski qalasında saylaw tämamlanıp kilä ide. Kamçatka waqıtı belän kiçke säğät 19.00 bu ölkädäge tawış birüçelärneñ sanı 46-50% çaması ide. Ataqlı Tatar buğazınnan yıraq bulmağan Çukotka avtonomiäle okrugı belän qızıqsındıq. Okrugnıñ saylaw komissiäse särqatibe Ol'ğa Säitgalina birgän mäğlümatlarğa qarağanda, menä şuşı çuqçalar ilendä saylawçılarnıñ 60 % tawış birgän.
