Gruziä prezidentlığına namzät bulğan Mixail Saakaşvili, Mäskäwneñ Acarstan watandaşlarına Rusiägä ciñeläytelgän kerü mömkinlege birüen Gruziäne kimsetü, dip atadı. Gruziäneñ Mäskäwdäge ilçese bügen kiñäşü öçen Mäskäwdän çaqırtılıp aldı. Ciñeläytelgän kerü tärtibe turında, Acarstan başlığı Aslan Abaşidze, Gruziädä bulğan "bärxet inqilab"ınnan soñ Mäskäwgä barğaç kileşkän ide. Mondıy tärtip, Tbilisidan bäysezlek yawlağan tağın ike respublika, Abxaziä häm Könyaq Osetiä öçen elegräk kertelgän ide.
