Accessibility links

Кайнар хәбәр

Yevropa Komissiäse suğışqa qarşı çıqqan illärne Ğiraqnı tözekländerü eşennän çitlätü qararına tänqit belderä


Quşma Ştatlarnıñ, Ğiraq suğışına qarşı çıqqan illärne Ğiraqnı tözekländerü eşennän çitlätü qararına bügen Yevropa Komissiäse dä tänqit belderde. Komissiä wäkile Reijo Kemppinen süzlärençä, Komissiä bu qararnıñ Dönya Säwdä Oyışması qağidälärenä ni däräcädä turı kilüwen tikşeräçäk. Kemppinen Waşingtonnıñ bu qararın "aqlap bulmaslıq säyäsi xata" dip atadı:

Audio (Reijo Kemppinen)

"Bez moña tirän borçılu belderäbez. Bu qararnı añlarğa da, aqlarğa da awır. Alay ğına tügel, bu – säyäsi xata bulıp tora. Çönki xalıqara cämäğätçelekneñ Ğiraqta demokratiä tözü tırışlığına qarşı kilä."

Kiçä Waşingtonnıñ bu qararına Germaniä, Fransiä häm Rusiä tänqit belderde. Süz Amerikan räsmiläre tarafınnan Ğiraqnı tözekländerügä birelgän 18 milliard dollar külämendä 26 kontrakt turında bara.
XS
SM
MD
LG