Ütkän atnada ijawda İdel buyı häm Ural töbäge kompozitorlarınıñ 16—nçı muzıykal' festivale bulıp ütte. Ul udmurt professional' muzıkasına nigez saluçı kompozitor Nikolay Grexovodovqa 100 yıl, Udmurtiä kompozitorlar berlegenä 30 yıl tuluına bağışlap uzdırıldı. İjawğa Tatarstan, Başqortstan, Mordoviä, Çuwaşiä, Mari El, Komi respublikalarınnan, Mäskäwdän muzıkantlar cıyıldı. Festival'dä küp kenä kompozitorlarnıñ äsärläre berençe tapqır tamaşaçı iğtibarına täqdim itelde. Festival' qissalarında traditsion häm professional' muzıka, alarnıñ üzara bäyläneştä bulu aspektları dip atalğan konferensiä dä uzdı.
Muzıka belgeçläre, kompozitorlar häm muzıka söyuçelär öçen älege festival'neñ ähämiäte turında Tatarstannan tanılğan şäxeslär belän oçraşıp söyläştek. Başta süzne Qazan däwlät konservatoriäse uqıtuçısı, kompozitor Mirsäyet Yarullinğa
—audio— Tatarstannan Kompozitor Mirsäyet Yärullin belän äñgämä tıñladığız. Tamaşaçılar konsertlarda Başqortstannan Rafael' Kasimov, Tatarstannan Rezedä Axiärova, İl'fat Däwlätşin, Räşit Qalimullin, Färidä Fäizova äsärlären Şamil' Monasıypov citäkçelegendäge qıllı muzıka uyın qoralları kvartetı häm simfonik orkestr başqaruında yaratıp qabul ittelär. Tatarstan kompozitorlar berlege Räise Räşit Qalimullin millättäşlärebezneñ başqarılğan äsärlärenä yuğarı bäya birde.audioSez Tatarstan kompozitorlar Berlege räise Räşit Qalimullin, häm kompozitor Mirsäyet Yärullin belän äñgämä tıñladığız.
Alarnı «Azatlıq» radiosı öçen İjawdan Xämidä Ğayfullina äzerläde.
