Brüssel. Britan premyer-ministrı Tony Blair, amerikan yağınıñ Ğiraq suğışına öleş kertmägän illär şirkätlären andağı tözekländerü eşlärenä qatnaştırmasqa cıyınuwın yaqlawın xäbär itte. Bu uñaydan ul Brüsseldä, Quşma Ştatlarnıñ üz aqçasın niçek häm kem aşa sarıf itüwe alarnıñ üz eşe dip belderde. "Biredä şunı äytep ütü bik möhim - Ğiraqnı tözekländerü öçen birelgän aqça amerikannarnıqı häm bu aqçanı niçek sarıf itü barı tik amerikannarnıñ üz eşe bulıp tora" di britan premyer-ministrı. Ber kön elek Waşingtonnıñ şul qararın Rusiä, Fransiä, Germaniä häm Qıtay citäkçelege kisken tänqitläp çıqqan ide. Berläşkän Millätlärneñ general' sekretare Kofi Annan da monı "ükeneçle" qarar dip atadı häm Ğiraqnı totrıqlandıru mäs'äläsendä inde xalıqara konsensusnı torğızu waqıtı citte dip belderde.
