Accessibility links

Кайнар хәбәр

Äl-Azarieh'da Yaqın Könçığışta tınıçlıq urnaştıru eşlären yañartu turında söyläşülär uzdı


Quşma Ştatlarnıñ Yaqın Könçığıştağı aradaşçısı David Satterfield bügen Jerusalim yanındağı Äl-Azarieh'da fälestin premyer-ministrı Ahmed Qurei belän oçraştı. Qurei süzlärençä, oçraşuda süz tınıçlıq yulı planı häm Amerikanıñ töbäktä solıx urnaştıru eşendäge role turında barğan: "Bez böten yaqlarnıñ taläpläre, tınıçlıq yulı planın ütäwdäge burıçları, amerikannarnıñ role häm tä'sire turında fiker alıştıq. Quşma Ştatlar, üktäbr ayında Gazada 3 amerikannıñ bombada şartlap hälak buluın tikşerü eşläreneñ tizräk tämamlanuın sorıy. Amerikannar İsrael däwläte belän ber rättän Fälestin däwläten tözüne täqdim itä. Quşma Ştatlar şulay uq, ike yaq ta köç qullanunı tuqtatu öçen tırışlıqlar yasar digän ömet belderä. " dide Fälestin premyer-ministrı Ahmed Qurei.

Töbäkkä tınıçlıq protsessın yañartır öçen kilgän amerikan aradaşçısı Satterfield, irtägä İsrael premyer-ministrı Ariel Şaronnıñ xakimiäte başlığı Dov Weisglass häm başqa İsrael räsmiläre belän oçraşaçaq.
XS
SM
MD
LG