Äfğanstannıñ Böyek Mäclese, Loya Cirğa bügen üz eşen däwam itte. 500-läp delegat Mäclesneñ ike räis-urınbasarın sayladı. Könbatış taraflı Sibğatulla Mocadedi kiçä küpçelek tawış belän räis itep saylanğan ide. Äfğanstan prezidentı Xomid Karzai delegatlarnı ilneñ yaña Konstitutsiäsen raslarğa çaqırdı. Bu dokument nigezendä prezident saylawlarınnan soñ, ber yıl eçendä, parlament saylawları ütergä tieş. Başta bu ike saylawnı ber könne ütkärü qaralğan ide. Karzai Konstitutdiäne 10 kön eçendä qabul itergä çaqırsa da, bäxäslär berniçä atnağa suzılırğa mömkin dip kötelä.
