Tbilisi. Gruziä yağı Rusiädän ilneñ waqıtlı prezidentı Nino Burcanadzeneñ kiläse atnada Mäskäwgä kilüwenä röxsät birüne ütenä. Gruziä tışqı eşlär ministrı Tede Caparidze süzlärenä qarağanda, ul bügen Mäskäwdä şul säfärne oyıştıru xaqında maxsus üteneç tapşırğan. Rusiä tışqı eşlär ministrınıñ berençe urınbasarı Valeri Loschinin belän oçraşqannan soñ Caparidze, ike il arasındağı mönäsäbätlär "qabul itelä almaslıq tübän däräcädä" dip belderde. Burcanadzeneñ säfäre, elekke prezident Şevardnadze xakimiattän çitläşterelgännän soñ yaña gruzin citäkçelege wäkileneñ Rusiägä berençe märtäbä kilüwe bulıp tora. İke kön elek Bakuda, märxüm prezident Xäydär Alievne cirläw yolası barışında Nino Burcanadze Rusiä prezidentı Putin belän qısqa oçraşu ütkärgän ide.
