Paris. Fransuz diplomatları bügen, tışqı eşlär ministrlığı çığımnarın qısqartuğa cawap yözennän bu ayda inde ikençe märtäbä eş taşlaw ütkärä. Läkin berençe şundıy çaradan ayırmalı bularaq bügengesendä qatnaşuçılar sanı ildän ilgä qarap üzgärep tora. Hönär berlekläreneñ 24 säğätlek eş taşlawğa öndäwen berençe bulıp Fransiäneñ Aziä illärendäge ilçelek wä konsullıqları qabul itte. Bar dönya buylap 154 ilçelek häm 98 konsullıqtan tış ilneñ tışqı eşlär ministrlığına 500-läp mädäni üzäk häm törle fransuz mäktäpläre dä qarıy. Üzeneñ diplomatik xezmätendä eşläwçelär sanı yağınnan Fransiä dönyada, Quşma Ştatlardan qala ikençe urında tora. Kiläse yıl büdjetında alar öçen çığımnarnı 2 protsentqa kimetü häm 116 urınnı qısqartu qaralğan.
